Azərbaycan Vətən Müharibəsi Veteranları İctimai Birliyi (AVMVİB) Xankəndi şəhər və Xocalı rayon şöbələrinə yeni üzvlərə üzvlük vəsiqələri təqdim olunub.

Bu barədə Azərbaycan Vətən Müharibəsi Veteranları İctimai Birliyi (AVMVİB) Xankəndi şəhər və Xocalı rayon şöbələrinin sədri Ramiz Ağayev məlumat verib.

AVMVİB Xankəndi şəhər və Xocalı rayon şöbələrinin sədri Ramiz Ağayev bildirdi ki, Vətən müharibəsində xalqımız bir yumruq kimi Ali Baş Komandanın ətrafında sıx birləşdi. Böyük Zəfərin qazanılmasında da, məhz bu birlik böyük rol oynadı və bu münasibətlə hamınızı təbrik edirəm. Cəbhədən qayıtmış döyüşçülərin bizim Birliyə üz tutmaları təbiidir. Sadəcə əlavə problemlər yaranmasın deyə, biz də könüllü olaraq bu işə qol qoymuşuq. Yaradılmış komissiyanın varlığı bilinmir. AVMVİB ictimai qurum kimi bu problemi yaxşı bildiyinə görə, kənarda seyrçi qalmaq istəmir. Bütün imkanlarımız daxilində gənclərimizə dəstək olmağa çalışırıq. Öz imkanlarımız daxilində onların problemlərinin həllinə çalışırıq.

Ramiz Ağayev yeni üzvlərə vəsiqələri təqdim edərək, bildirdi ki, yeni üzvləri təbrik etdi, xatırlatdı ki, müharibə veteranının ən ümdə vəzifəsi dövlətimizin və dövlətçiliyimizin yanında olmaqdır.