Vaxtilə böyük səhnələrdə çıxış edən müğənni, mərhum meyxanaçı Nizami Rəmzi ilə “Aşiq-canan” mahnısını duet şəklində ifa edən Samirə Vahabovanın yaşadığı ünvan məlum olub. Minval.İnfo milli.az-a istinadla məlumat verir ki, səfil həyatı yaşadığı, dilənçilik etdiyi deyilən keçmiş müğənnini tapan “Bakı vaxtı ilə” proqramı, ayı yüz manata yaşadığı şəraitsiz sığınacağında çəkiliş edib.

“Bizimləsən” verilişinə çıxan müğənni Roza Zərgərli, sənətçilərdən, meyxanaçılardan bir qızı ilə səfil həyatı yaşayan Samirə xanıma kömək etməkləri üçün müraciət edib.

Bir zamanların məşhur müğənnisi barədə Rozanın açıqlaması isə hər kəsi duyğulandırıb:

“Mənə dedi ki, qonşu məni çağırdı “Atamın yubileyində oxu” dedi. Mənə bir qab isti xörək verdi, mən 1 həftə sevinirdim”.
Qeyd edək ki, qadın müğənni binanın birinci mərtəbəsində, pilləkənin altında aylıq 100 manata kirayə qalır.