BMT Təhlükəsizlik Şurası yekdilliklə Suriyada 30 günlük atəşkəs rejiminin tətbiq olunması və ölkədə gələcəkdə humanitar əməliyyatların keçirilməsi barədə qətnamə qəbul edib.
AZTB.info xəbər verir ki, sənəd bütün tərəfləri "yubanmadan toqquşmaları dayandırmağa" və bütün Suriya ərazisində ən azı 30 gün uzun müddətli humanitar fasilənin təmin edilməsinə sadiq qalmağa çağırır.
Sənəddə bildirilir ki, atəşkəs rejimi İŞİD, "Cəbhət ən-Nusra", "Əl-Qaidə" terror qruplaşmalarına və İŞİD və "Əl-Qaidə" ilə əlaqəli digər şəxslərə və təşkilatlara qarşı aparılan hərbi əməliyyatlara şamil edilmir.