Xalq artisti Bilal Əliyev aprelin 11-də keçiriləcək növbədənkənar prezident seçkilərinə mahnı həsr edib.
Bu barədə "Ölkə.Az"a B.Əliyev özü məlumat verib. Xalq artisti bildirib ki, "Azərbaycan" adlanan bəstəni YAP-ın prezidentliyə namizədi, hazırki prezident İlham Əliyevə ithaf edib:

"Allah qismət eləyərsə, bütün tamaşaçılarla görüşüb, öz təbliğatımı aparacağam. Təbliğat-təşviqat konsertləri olarsa, mütləq iştirak edəcəyəm. Mahnının içərisində cənab Prezidentin də, Ulu Öndərimizin də adı çəkilir. Bütün zəhmət çəkən insanlar haqqında gözəl sözlər deyilir. Yəni, xalqımızı birliyə çağırırıq, Ulu Öndərimizin ən layiqli davamçısı, Ali Baş Komandanımız cənab İlham Əliyevin ətrafında möhkəm birliyə çağırırıq".
Qeyd edək ki, Prezident İlham Əliyev aprelin 11-də növbədənkənar Prezident seçkilərinin elan edilməsi haqqında sərəncam imzalayıb.