Göygöl MMBM-nin direktoru Cahid Dadaşov dövlətimizə və rəhbərliyə sədaqət nümunəsidir!Hər bir şəxs özünün keçdiyi həyat yoluna nəzər salanda, unudulmaz və xoş xatirələrə dönmüş anlarını, günlərini xəyalından keçirəndə istər-istəməz kimlərlə ünsiyyət saxladığı, kimlərlə yoldaşlıq və dostluq etdiyi insanlar göz önünə gəlir. Elə insanlar var ki, onların həyatı, fəaliyyəti elinə, xalqına, vətəninə xidmətə həsr olunur. Müdriklər demişkən, "xalq üçün, vətən üçün yaşanan ömür əsl insan ömrüdür". Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Göygöl MMBM-nin direktoru Cahid Dadaşovdur.
Göygöl MMBM-nin direktoru Cahid Dadaşov vəzifəsini vicdanla yerinə yetirən, təmsilçisi olduğu dövlətin, hakimiyyətin, xalqın və Hüseynqulu Bağırovun etimadını yüksək səviyyədə doğrulda bilir.
Göygöl MMBM-nin direktoru Cahid Dadaşov - Təbiətin bəşəriyyətə hədiyyəsi olan və bioloji cəhətdən öz inkişafında bir-birinə qarşılıqlı təsir göstərən meşələr Yer kürəsinin ən qiymətli sərvəti hesab olunur. Meşədə daim yüksək rütubətlilik nəzərə çarpır. Ağacların çətiri günəş şüalarının qarşısını kəsərək kölgəlik əmələ gətirir və güclü küləklərin qarşısını alır. Bunun da nəticəsində meşə bitkiləri və heyvanların həyatı üçün əlverişlı yaşayış mühiti yaranır. Onu da deyək ki, ağacların çətiri altında toxumlar da sürətlə inkişaf edir. Respublikada meşələrin əhali üçün rekreasiya məqsədilə istifadəsinin geniş perspektivləri vardır. Belə ki, meşələrin nəhəng oksigen istehsaledici qüvvəsi, təbiətdə rast gəlinən ayrı-ayrı mənfi halları və antropogen təsiri yox etmək və ya azaltmaq qabiliyyəti inkaredilməzdir.
Ulu öndərimiz Heydər Əliyev meşələrin qorunmasına, yeni meşə massivlərinin, yaşıllığın yaradılmasına xüsusi qayğı və diqqət göstərirdi. Burada bir həqiqəti də xatırlatmaq yerinə düşərdi. Azərbaycanın müstəqillik qazandığı ilk illərdə enerji təchizatı sistemində yaranan problemlər, xüsusən, bölgələri qazla təmin etməyin mümkün olmaması nəticəsində meşələr sürətlə qırılmışdır. Ümummilli liderimizin həyata keçirdiyi və Prezident İlham Əliyevin uğurla davam etdirdiyi neft-qaz strategiyası Azərbaycanda qaz təminatı, enerji təchizatı sahəsindəki problemlərin sürətli həllinə yol açmışdır. Rayonlarda əhalinin təbii qazla təminatının yaxşılaşdırılması, ucqar kəndlərə belə qaz çəkilməsi meşələrin qırılmasının qarşısını almışdır.
