Qazaxıstan növbəti dəfə Ermənistana sərt cavab verib.

Bir neçə ildir ki, Ermənistanda fəaliyyət səfiri Timur Urazayev “ocağa benzin töküb”. Erməni mətbuatına müsahibə verən səfir Ermənistan prezidentinin çoxsaylı narazılıqlarını nəzərə alaraq Kollektiv Təhlükəsizlik Şurasının fəaliyyətinin effektivliyi barədə sualları cavablandırıb.

Məlum olduğu kimi, Serj Sarkisyan Azərbaycan tərəfindən Ermənistanla sərhəd xəttində atəşkəs rejiminin pozulması məsələsinə KTMT-yə üzv ölkələrin münasibətindən hiddətlənib.
Suala cavab olaraq qazaxstanlı diplomat belə cavab verib: “Ermənistan Azərbaycan sərhəd xəttində problemlər mahiyyət etibarilə Ermənistanla yox, Dağlıq Qarabağ problemi ilə əlaqəlidir”.

Səfir sözlərinə belə davam edib: “Birincisi, KTMT-nin nizamnaməsində dəqiq qeyd edilib ki, təşkilata üzv ölkələr bir-birinə bu quruma daxil olmayan üçüncü dövlət tərəfindən edilən xarici təcavüzü dəf etmək üçün kömək etməlidir. Tavuş bölgəsindəki sərhəd xətti Ermənistanın nəzarəti altında olan Azərbaycan rayonları ilə həmsərhəddir. Biz əvvəldən də Qazaxıstanda da, Rusiyada da və KTMT-yə üzv digər ölkələrlə dəqiq və açıq şəkildə mövqeyimizi sərgiləmişik ki, əgər söhbət üçüncü dövlətin xarici aqressiyasından gedirsə bu başqa məsələdir. Amma əgər bu məsələ Dağlıq Qarabağa aiddirsə, bu başqa söhbətin mövzusudur”.

Timur Urazayev buna görə də Qazaxıstanın mövqeyi düzgün olduğunu qeyd edib: “ Dağlıq Qarabağ problemini biz KTMT nizamnaməsinə uyğun olaraq həll edilən məsələlərdən ayırırıq. Biz problemin dinc yolla həllini arzulayırıq”.