Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi yolu

Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu Səttar Mehbalıyev, Azərbaycan Həmkarlar İttifaqları Konfederasiyasının sədri, Milli Məclisin deputatı

Sosial müdafiə sahəsində nümunəvi ölkə


İstənilən dövlətin gücü, qüdrəti ilk növbədə onun iqtisadi potensialından asılıdır. Dayanıqlı inkişafın təmini üçün müəyyən edilən iqtisadi strategiyanın prioritetlərinin düzgün icrası sürətli yüksəliş üçün real zəmin formalaşdırır.

Son 16 ildə Azərbaycan iqtisadiyyatının üç dəfədən çox artması, ölkə iqtisadiyyatına 270 milyard dollardan çox sərmayə yatırılması, valyuta ehtiyatlarının 49 milyard dollara yüksəlməsi Prezident İlham Əliyevin yeni inkişaf konsepsiyasının uğurlarının real təcəssümüdür. Məhz bunun nəticəsidir ki, Azərbaycan hazırda güclü iqtisadiyyata, güclü orduya, dünya birliyində güclü mövqeyə sahib olmaqla yanaşı, güclü sosial və iqtisadi siyasətə malik olan ölkəyə çevrilib. Həyata keçirilən sosial-iqtisadi, eləcə də struktur islahatlarının nəticələri isə göz önündədir.

Prezident İlham Əliyev müşavirədə bu nailiyyətləri dəyərləndirərək vurğuladı ki, əsas vəzifə iqtisadi inkişafı şərtləndirən islahatları dərinləşdirməkdir. Bütövlükdə Azərbaycanda iqtisadi sahədə islahatlar uğurla gedir. Beynəlxalq aparıcı maliyyə qurumları bu uğurları hər zaman hesabatlarında göstərirlər. Dövlət başçısının Dünya Bankı, Avropa Yenidənqurma və İnkişaf Bankı, Asiya İnkişaf Bankı, Avropa İnvestisiya Bankı, Beynəlxalq Valyuta Fondu və digər aparıcı beynəlxalq maliyyə qurumlarının rəhbərləri ilə çoxsaylı görüşlər də deməyə əsas verir ki, ölkəmizdə aparılan islahatları yüksək dəyərləndirirlər.

Müşavirədə cənab Prezident 9 ayın göstəricilərini müsbət qiymətləndirdi, lakin bununla belə daha yüksək artıma nail olmaq üçün kifayət qədər imkanların olduğunu bəyan etdi. Həqiqətən də bu ilin ötən müddəti ərzində əldə edilən uğurlara nəzər yetirdikdə aydın şəkildə görərik ki, qeyri-neft sektorunda iqtisadi artım 3 faizdən, qeyri-neft sənayemiz 15 faizdən, kənd təsərrüfatı 7 faizdən çox artıb. Sahibkarlara 130 milyon manat kredit verilib.

Əlbəttə ki, qeyri-neft sektorunda iqtisadi artımın 3 faizdən çox olması şaxələndirmə ilə bağlı tədbirlərin müsbət nəticəsini verdiyini göstərir. Ancaq dövlət başçısı hesab edir ki, bu artım daha yüksək olmalıdır. Buna nail olmaq üçün isə kifayət qədər imkanlar, potensial var. Sadəcə olaraq bu potensialdan maksimum səmərə ilə istifadə edilməlidir.
Qeyri-neft sənayesinin 15 faizdən çox artması isə onu göstərir ki, son illərdə aparılan islahatlar, xüsusilə qeyri-neft sektorunun inkişafı ilə bağlı atılan addımlar öz bəhrəsini verməkdədir. Dövlət başçısı bu yüksək nəticənin dünya miqyasında rekord göstərici hesab olunduğunu vurğuladı.
Göründüyü kimi, 9 aylıq yekun ölkə rəhbərliyinin qeyri-neft sektorunun inkişafı sahəsində həyata keçirdiyi siyasətin özünü doğrultduğunu konkret faktlar əsasında təsdiqləyir.

Sosial sahədə də inqilabi yeniliklər baş verib. İlk dəfə olaraq ölkədə 9 ayda minimum əməkhaqqı və minimum pensiyalar 2 dəfə artıb. Minimum əməkhaqqı 250, minimum pensiyalar isə 200 manata yüksəlib. Prezidentin 2 böyük sosial paketi ilə 4 milyon 200 mindən çox insanın maddi vəziyyəti yaxşılaşıb.

Bütün bunlar cənab İlham Əliyevin siyasətinin mərkəzində vətəndaşın dayandığını təsdiqləyən reallıqlardır. Müşavirədə bu məsələyə də toxunan Prezident demişdir: "Bizim sosial siyasətimiz birmənalıdır. Dəfələrlə demişəm ki, siyasətimizin mərkəzində Azərbaycan vətəndaşı dayanır. Hesab edirəm ki, Azərbaycan sosial müdafiə sahəsində dünya miqyasında nümunəvi ölkədir. Həm minimum əməkhaqqı, pensiyalar artırılır, həm də özünüməşğulluq proqramı geniş vüsət alır. Bu il on mindən çox insan bu proqramla əhatə olunacaq”.
Prezidentin çıxışından o da bəlli oldu ki, islahatların artan sürəti maaş və pensiyaların növbəti artımına da şərait yaradacaq.
Cari ilin 9 ayının yekunlarının müzakirəsi zamanı cənab Prezidentin gələcəyə aydın baxışını bir daha gördük. Hər kəsə bəlli oldu ki, dövlət başçısı yalnız təbii ehtiyatlara, enerji resurslarına deyil, qeyri-neft sektorunun inkişafına da xüsusi önəm verir. Ona görə də cənab Prezident bütün aidiyyəti qurumlara ciddi tapşırıq verdi. Qeyd etdi ki, istifadə olunmayan kifayət qədər ehtiyatlar var və bu ehtiyatlar aşkar edilməlidir. Elə edilməlidir ki, Azərbaycanda hər bir sahə şəffaf olsun və ən yüksək standartlara cavab versin.



Respublikamız müstəqillik qazandıqdan sonra ölkənin bütün sahələrində olduğu kimi həmkarlar ittifaqlarında da islahatların həyata keçirilməsi zərurəti yaranmışdır. 1992-ci ildə Səttar Mehbalıyevin rəhbərliyi ilə Azərbaycan Həmkarlar İttifaqları Şurasının və ümumilikdə həmkarlar ittifaqlarında struktur islahatlarının aparılması və yeni nizamnamənin hazırlanması məqsədi ilə təşkilat komissiyası yaradılmış və 1993-cü ilin fevralında AHİK-in təsis qurultayı keçirilmişdir.

Səttar Mehbalıyev AHİK-in sədri seçildikdən sonra həmkarlar ittifaqında islahatların aparılmasında, onun əmlakının qorunub saxlanılmasında, "Həmkarlar İttifaqları haqqında" Azərbaycan Respublikası qanununun qəbul edilməsində, həmkarlar ittifaqlarının nüfuzunun möhkəmləndirilməsində, transmilli şirkətlərdə həmkarlar ittifaqının yaradılmasında müstəsna əmək sərf etmişdir. Səttar Mehbalıyevin səyi nəticəsində AHİK MDB məkanında Beynəlxalq Həmkarlar İttifaqları Konfederasiyasına ilkin üzv olan təşkilatlardan biridir.

Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu









Səttar Mehbalıyev - AHİK-in müstəqil qurum kimi formalaşması məhz ulu öndər Heydər Əliyevin adı ilə bağlıdır. Məhz Ümummilli Liderin şəxsi təşəbbüsü və nəzarəti altında 1994-cü ilin fevralında postsovet məkanında ilk dəfə olaraq Azərbaycanda “Həmkarlar ittifaqları haqqında” Qanunun qəbul edilməsi ilə həmkarlar ittifaqlarının cəmiyyətdəki yeri və statusu müəyyən olundu. Bu qurumun fəaliyyətini həmişə diqqət mərkəzində saxlayan Ulu Öndər ona yardım göstərir, Konfederasiyanın qurultaylarına təbrik məktubları göndərir, əldə olunmuş nailiyyətləri yüksək qiymətləndirir, zəruri tövsiyələr verirdi.

- Ümummilli Liderin inkişaf strategiyasını uğurla həyata keçirən Prezident İlham Əliyevin həmkarlar ittifaqlarının sosial-iqtisadi məsələlərlə bağlı mövqeyini dəstəkləməsi və bu sahədə mühüm qərarlar qəbul etməsi qurumun həyatında xüsusi rol oynayıb. Azərbaycan Prezidentinin həmkarlar ittifaqlarının fəaliyyətinə xüsusi diqqət yetirərək, dövlətimizin başçısının sərəncamları ilə həmkarlar ittifaqlarında xidmətləri olan şəxslərin yüksək fəxri adlar, orden və medallarla təltif edirək bizlərin yanında olduğunu bir daha təsdiqləyir.

Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu













Qanuni dövlət hakimiyyətini zorla devirmək məqsədi güdən birliklər istisna olmaqla, hər kəs birlik, o cümlədən həmkarlar ittifaqı yaratmaq və ya ona daxil olmaq, sərbəst fəaliyyət göstərmək hüququna malikdir. Heç kəs həmkarlar ittifaqlarına daxil olmağa və onun üzvlüyündə qalmağa məcbur edilə bilməz. Həmkarlar ittifaqlarının fəaliyyəti Azərbaycan Respublikasının Konstitusiyası, "Həmkarlar İttifaqları haqqında" Azərbaycan Respublikasının Qanunu və həmkarlar ittifaqlarının fəaliyyətinə aid olan başqa qanunvericilik aktları ilə tənzimlənir. Həmkarlar ittifaqlarının Beynəlxalq hüquq normalarında və BƏT-nın konvensiyalarında hamılıqla qəbul edilmiş hüquqları nəzərdə tutulmuşdur.

Azərbaycanda fəaliyyət göstərən həmkarlar ittifaqları, 1993-cü ildə həmkarlar ittifaqlarının qurultayında təsis edimiş Azərbaycan Həmkarlar İttifaqları Konfederasiyasında (AHİK) birləşirlər. AHİK 1992-ci ildən hökümət və işəgötürənlər birlikləri ilə birlikdə BƏT-ında təmsil olunur, 2000-ci ildən Beynəlxalq Azad Həmkarlar İttifaqları Konfederasiyasının üzvüdür. AHİK özündə otuza yaxın sahə həmkarlar ittifaqlarını birləşdirir.

Həmkarlar ittifaqları istehsal və qeyri istehsal sahələrində çalışan işçilərin, pensiyaçıların və təhsil alan şəxslərin əmək, sosial və iqtisadi hüquqlarını və qanuni mənafelərini müdafiə edən, dövlət orqanlarından, siyasi partiyalardan və ictimai birliklərdən asılı olmadan fəaliyyət göstərən müstəqil, ictimai və qeyri-siyasi təşkilatdır. Həmkarlar ittifaqları öz üzvlərinin əmək hüquqlarını da müdafiə edir, dövlət məşğulluq siyasətinin hazırlanmasında iştirak edirlər. Həmkarlar ittifaqları kollektiv müqavilələrin hazırlanması və bağlanması zəruriliyi haqqında qərar qəbul edirlər və bu müqavilənin tərəfi kimi çıxış edirlər. Əmək, sosial və iqtisadi münasibətlərin tənzimlənməsi məqsədilə, müddəti bir ildən üç ilədək olmaqla, Azərbaycan Həmkarlar ittifaqı Konfederasiyası, Azərbaycan Respublikası Nazirlər Kabineti və Azərbaycan Respublikası Sahibkarlar Təşkilatları arasında bağlanan Baş Kollektiv Sazişlərin xüsusi əhəmiyyəti vardır və bu sazişlərə əsasən əmək haqlarının, minimum əmək haqqı məbləğinin, yaşayış minimumu məbləğinin, ehtiyac meyarı məbləğinin artırılması, əmək bazarının inkişafı, mövcud iş yerlərinin saxlanılması, yeni iş yerlərinin açılması, əmək şəraitinin yaxşılaşdırılması, sosial adaptasiyaya ehtiyacı olan təbəqələrin müdafiəsinin təşkil olunması, əhalinin məşğulluğunun təminatları, əmək hüquqlarının müdafiəsi, əməyin mühafizəsi və sairə məsələlər barədə tərəflər öhdəliklər qəbul edib həyata keçirməlidirlər.

Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu












İşçilərin sayı və ştatlar ixtisar edildikdə, peşəkarlıq səviyyəsinin, ixtisasın kifayət dərəcədə olmadığına görə işçi tutduğu vəzifəyə uyğun gəlmədiyi halda, işəgötürən tərəfindən əmək müqaviləsinin ləğvi, işçinin üzv olduğu həmkarlar ittifaqı təşkilatının qabaqcadan razılığı alınmaqla həyata keçirilməlidir. Həmkarlar İttifaqları həmçinin yaranan kollektiv əmək mübahisələrinin həllində bir tərəf kimi çıxış edir və əmək mübahisələrinin qanuni və ədalətli həllinə nail olmaq məqsədilə tətillər, habelə qanunvericiliklə nəzərdə tutulan qaydada sərbəst toplaşaraq digər kütləvi tədbirlər keçirmək hüququna malikdirlər.

Həmkarlar ittifaqları səlahiyyətləri daxilində, qanunvericiliklə nəzərdə tutulan qaydada əmək, sosial və iqtisadi hüquqların və qanuni mənafelərin təmin edilməsində ictimai nəzarəti həyata keçirirlər və bu ictimai nəzarətə mane olunması Azərbaycan Respublikası qanunvericiliyinə əsasən yolverilməzdir.


S. Mehbalıyev Pan Avropa Regional Şurasının İcraiyyə Komitəsinin iclasında çıxış edib

Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu


Oktyabrın 21-də Belçikanın paytaxtı Brüsseldə Pan Avropa Regional Şurasının (PARŞ) İcraiyyə Komitəsinin iclası keçirilib.

İclasda PARŞ-ın Baş Assambleyasının dekabrın 16-da keçiriləcək iclasına hazırlıq məsələləri və Baş Assambleya tərəfindən növbəti 4 il üçün qəbul ediləcək Siyasi Sənəd müzakirə olunub.
AHİK-in sədri, Milli Məclisin deputatı, Pan Avropa Regional Şurasının vitse-prezidenti Səttar Mehbalıyev iclasda çıxış edib.
S. Möhbalıyev çıxışında həmkarlar ittifaqı təşkilatlarının yaradılması ilə bağlı təşkilati işlər və gənclərlə aparılan iş, onların problemləri və həmkarlar ittifaqları olaraq bu sahələrdə görüləcək və həyata keçiriləcək tədbirlər haqqında öz fikirlərimi bölüşüb. Qeyd edib ki, hazırki şəraitdə beynəlxalq aləmdə bəzi istisnalar olmaqla həmkarlar ittifaqlarının boy artımı ciddi problem olaraq qalmaqdadır. Təbii ki, bunu həll etmək üçün ilk növbədə həmkarlar ittifaqlarının yaradılması və fəaliyyəti əsas şərt olaraq qalmaqdadır. Heç kimə sirr deyildir ki, işəgötürənlər həmkarlar ittifaqlarının yaradılmasına o qədər də isti münasibət bəsləmirlər. Özəl və xarici sərmayə ilə çalışan müəssisələr, o cümlədən transmilli kompaniyaların rəhbərləri həmkarlar ittifaqı təşkilatı yaratmaq təşəbbüsü ilə çıxış edən işçilərə bütün vasitələrdən istifadə edərək təzyiq göstərməyə çalışırlar. Belə işçiləri iş yerlərini dəyişməklə və ya tamamilə işdən azad etməklə hədələyirlər. Hazırki şəraitdə işçi üçün iş yerinin itirilməsinın nə demək olduğunu isə biz həmkarlar ittifaqları olaraq çox yaxşı bilirik. Məhz bu baxımdan biz çalışmalıyıq ki, həmkarlar ittifaqları yaradılarkən işçilər bundan az zərərlə çıxsınlar. Bu gün Azərbaycan Həmkarlar İttifaqları Konfederasiyası özəl, birgə müəssisələrlə və transmilli kompaniyalarla həmkarlar ittifaqlarının yaradılması ilə bağlı iş apararkən Beynəlxalq Əmək Təşkilatının 87, 98 saylı Konvensiyalarına, Azərbaycan Respublikasının Konstitusiyasına və digər qanunvericilik aktlarına istinad edir.

Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu


AHİK sədri həmkarlar ittifaqları üçün daha bir vacib məsələyə - gənclərlə aparılan işlərdə həmkarlar ittifaqlarının yeri və rolu ilə bağlı məsələyə toxunub. Hesab edib ki, gənclərin hüquq mənafelərinin müdafiə olunması, gənclərə həmkarlar ittifaqlarının mövcudluğunun, təyinatının, vəzifələrinin zəruriliyinin təbliği, onların həmkarlar ittifaqı üzvlüyünə cəlbi, işəgötürənlər tərəfindən gənclərin hüquqlarına riayət olunması Həmkarlar İttifaqlarının gənclər siyasətinin əsasını təşkil etməlidir. Azərbaycan Həmkarlar İttifaqları Konfederasiyası gənclər siyasətinin həyata keçirilməsində və gənc əməkçilərin hüquqlarının qorunmasında gördüyü işlər və qarşısında duran vəzifələri özünün Məclisində (2 iyul 2005-ci il) geniş müzakirə etmiş, gənclər siyasəti konsepsiyasını və proqramını qəbul etmişdir. Hazırda bu Konsepsiya və proqrama uyğun olaraq işlər davam etdirilir. “Çox təəssüf ki, bu gün dünya iqtisadiyyatının bazar münasibətləri şəraitində gənclərin sosial iqtisadi vəziyyəti bir qədər pisləşib. Bu səbəbdən də həmkarlar ittifaqları gənclərin sosial-iqtisadi vəziyyətinin yaxşılaşdırılması istiqamətində işlərin gücləndirilməsinə çalışmalıdır”. Pan Avropa Regional Şurası bu məsələdə öz imkanlarından istifadə edərək maarifləndirici işlərinin coğrafiyasını genişləndirməyə səy göstərməlidir. Doğrudur, 2012-ci ildən AHİK-in maliyyə dəstəyi ilə region ölkələri gənclərinin iştirakı ilə gənclərin məşğulluq problemləri ilə bağlı hər il Bakı şəhərində seminar və konfranslar keçirilir. Hesab edirəm ki, bu təcrübə davam etdirilməlidir. Eyni zamanda gənclər forumunun və gənclərin yay məktəblərinin təşkili də faydalı olar.


Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu


S. Mehbalıyev bildirib ki, Azərbaycan Həmkarlar İttifaqları Konfederasiyası beynəlxalq ictimaiyyətin qlobal inkişaf təşəbbüslərinə daim yaxından maraq göstərmişdir. Nəzərinizə çatdırmaq istərdim ki, Azərbaycan Həmkarlar ittifaqları Konfederasiyası BƏT-in Dayanıqlı İnkişaf Məqsədləri üzrə iki prioritet təşkilatından biridir. (Moldova və Azərbaycan) . Bununla yanaşı, Azərbaycan Həmkarlar İttifaqları Konfederasiyasının tərkibində Dayanıqlı İnkişaf Məqsədləri ilə bağlı komissiya yaradılıb. Komissiyanın üzvləri tərəfindən “BMT-nin Dayanıqlı İnkişaf Məqsədləri: 2015-2030-cu illər Gündəliyi- Həmkarlar ittifaqlarının davamlı inkişafını təşviq etmək üçün inkişaf strategiyası” sənədi hazırlanıb. Sənəddə Dayanıqlı İnkişaf Məqsədləri Gündəliyindən 6 məqsəd AHİK üçün prioritet məqsədlər kimi seçilib. Bu məqsədlər aşağıdakılardır:

Məqsəd 1: Yoxsulluğa son
Məqsəd 3: Yaxşı səhiyyə və rifah
Məqsəd 4: Keyfiyyətli təhsil
Məqsəd 5: Gender bərabərliyi
Məqsəd 8: Layiqli əmək və iqtisadi artım
Məqsəd 17: Məqsədlər üçün tərəfdaşlıq

Həmkarlar ittifaqları 2015-2030-cu illər Gündəliyi ilə bağlı fəaliyyətlərin həyata keçirilməsi və qiymətləndirilməsində tam şəkildə iştirak etməlidirlər. Bunun üçün 2030-a qədər olan müddət ərzində aşağıdakı məsələlər diqqət mərkəzində saxlanılmalıdır:

- BƏT-in müvafiq konvensiyalarının ratifikasiyasının dəstəklənməsi və bu konvensiyaların dəstəklənməsi üçün normativ aktların qəbul edilməsi;
- təhlükəsizlik, səhiyyə və davamlı inkişaf məsələlərini həll edən ikitərəfli və üçtərəfli mexanizmlərin yaradılması;
- davamlı inkişafa nail olmaq üçün toplu ekoloji sazişlərin sayının artırılması;
- statistik hesabatlara uyğun olaraq sənaye qəzalarının, zədələnmələrin və peşə xəstəliklərinin sayının azaldılması üçün mübarizə aparılması;

- işçilərin təhsilinin, xüsusilə də işçi təhlükəsizliyi və sağlamlığı sahəsində və iş mühitinin yaxşılaşdırılması sahəsində təhsilin təşkili, peşə hazırlığı və yenidən hazırlıq işlərinin genişləndirilməsi.
AHİK sədri çıxışının yekununda ümidvar olduğunu bildirib ki, İcraiyyə Komitəsinin yığıncağında qəbul ediləcək qərarlar üzv təşkilatların fəaliyyətinin bir daha canlandırılmasına, günün tələblərinə uyğun olaraq Pan Avropa Regional Şurasının qarşısında duran vəzifələrin uğurla həllinə yardımçı olacaqdır.
Azərbaycan Həmkarlar İttifaqları Konfederasiyasıtarnın sədri, Milli Məclisin deputatı Səttar Mehbalıyevin uğurlu siyasi  yolu

Oxşar xəbərlər