Prezident İlham Əliyev 8 oktyabr 2024-cü ildə Moskvada keçirilən Müstəqil Dövlətlər Birliyi (MDB) Dövlət Başçıları Şurasının iclasında iştirak edib. İclasda MDB ölkələri arasında əməkdaşlıq, İkinci Dünya müharibəsində Qələbənin 80 illiyi, və Azərbaycanın bu dövrdə verdiyi töhfələr müzakirə mövzusu olub. Prezident Əliyev çıxışında Azərbaycanın müharibədə oynadığı rolu vurğulayaraq, MDB çərçivəsində gələcək əməkdaşlığa və bu əməkdaşlığın möhkəmləndirilməsinə önəm verdiyini qeyd edib.
Bundan əlavə, görüş çərçivəsində digər MDB ölkələrinin liderləri ilə də müxtəlif sahələrdə əlaqələrin inkişaf etdirilməsi məsələləri müzakirə edilib. Prezident İlham Əliyev Rusiya ilə Azərbaycan arasında mövcud olan müttəfiqlik xarakterli münasibətlərin əhəmiyyətini vurğulayıb və son dövrdə əldə olunan razılaşmaların bu əlaqələrin davamlı inkişafına təkan verəcəyini bildirib. Prezi İlham Əliyev, həmçinin MDB çərçivəsində əməkdaşlığın gücləndirilməsinə və Azərbaycanın bu istiqamətdə töhfələrinə dair fikirlərini də qeyd edib.
Görüşdə Laçın şəhəri, 2025-ci ildə Müstəqil Dövlətlər Birliyinin (MDB) mədəniyyət paytaxtı olaraq elan edilib. Bu qərar, MDB Humanitar Əməkdaşlıq Şurasının qərarına əsasən verilib. Laçın, Ermənistanın işğalından sonra bərpa olunan və yeni həyatın başladığı bir şəhərdir. Bu status Azərbaycanın mədəniyyət sahəsindəki rolunu və regiondakı əhəmiyyətini vurğulayır.
Görüşdə razılaşdırırlan məsələlərdən biri də növbəti il, yəni 2025-ci ildə III MDB Oyunlarının Azərbaycanda keçirilməsi olub. Bu tədbirin təşkilini təmin etmək üçün xüsusi bir Təşkilat Komitəsi yaradılıb. Oyunların keçiriləcəyi əsas şəhərlərdən biri Gəncə müəyyən edilib. Bu oyunlar Azərbaycan üçün idman sahəsində regional əməkdaşlığın genişlənməsi baxımından əhəmiyyətli bir hadisə olaraq qəbul edilməlidir.

Bakıxanov qəsəbəsi, 96 nömrəli tam orta məktəbin
direktoru Mehriban Hacıyeva