Ölkə rəhbərliyinin müvafiq tapşırıqlarına uyğun olaraq ölkəmizin bütün yerlərində olduğu kimi Ağstafa rayonunda da həyata keçirilən genişmiqyaslı abadlıq-quruculuq işləri uğurla davam etdirilir. Bu istiqamətdə icra olunan tədbirlər çərçivəsində həmçinin Ağstafa şəhər küçələrində təmir-bərpa və yenidənqurma işləri aparılır. Ümumilikdə həyata keçirilmiş işləri sakinlər yüksək qiymətləndirir və ölkə rəhbərliyinə dərin minnətdarlıqlarını ifadə edirlər.

Ağstafa RİH başçısı Qırılı kəndində Ümumtəhsil müəssisələrində olub

Ağstafa Rayon İcra Hakimiyyətinin başçısı Seymur Orucov, RİH aparatının məsul şəxslərilə birgə Qırılı kənd 1 və 2 saylı Körpələr evi uşaq bağçası və Qırılı kənd tam orta məktəbində olub. İcra başçısı təhsil müəssisələrində uşaqların davamiyyəti və tibbi müayinə olunmaları ilə yaxından tanış olmuş, xüsusi karantin rejiminin tələblərini, tibbi maskalardan istifadə edilməsini və gigiyena qaydalarına əməl olunmasını nəzərə çatdırmış və bununla bağlı aidiyyəti üzrə lazımi tapşırıqlarını vermişdir.

Ağstafa RİH başçısının növbəti görüşü Qırılı kəndində olub

Ağstafa rayon İcra Hakimiyyətinin başçısı Seymur Orucov, başçısının müavinləri və aparatının şöbə müdirləri Qırılı kəndində bir sıra dövlət müəssisələrinə baxış keçiriblər. Rayon İcra Hakimiyyətinin başçısı kənd sakinlərilə görüşmüş, sakinlərin təkliflərini dinlənilmiş və onların problemləri ilə bağlı aidiyyəti üzrə tapşırıqlarını verib. Sonra kəndin İnzibati ərazi dairəsi üzrə nümayəndəliyində olmuş, kənd kitabxanasının və kənd klubunun mövcud vəziyyəti ilə yaxından tanış olmuşdur.

Eynallı kəndindən olan Vətən müharibəsi şəhidimiz Zöhrab Abbasovun ildönümü qeyd olunub və Zöhrab Abbasovla birgə digər şəhidlərimizin xatirəsini əbədiləşdirmək məqsədi ilə inşa olunan abidə-bulaq kompleksinin açılışı olub

Eynallı kəndindən olan Vətən müharibəsi şəhidimiz Zöhrab Natiq oğlu Abbasovun şəhadətə ucalmasının ildönümü qeyd olunub. Şəhidimizin anım günündə ailəsi ziyarət olunub, əziz xatirəsi ehtiramla yad edilib. Z.Abbasov və digər şəhidlərimizin adını əbədiləşdirmək üçün inşa olunmuş abidə- bulaq kompleksinin açılışı olub
17.09.2001-ci il tarixində Eynallı kəndində anadan olan Zöhrab Vətən müharibəsində Azərbaycan Silahlı Qüvvələrinin əsgəri kimi iştirak edib. O, Suqovuşanın azadlığı uğrunda gedən şiddətli döyüşlərdə qəhrəmancasına savaşıb. 2020-ci il oktyabrın 13-də Suqovuşan döyüşləri zamanı şəhidlik zirvəsinə ucalıb. Öz doğma kəndində dəfn olunan şəhidimiz “Vətən uğrunda” medalı ilə təltif olunub.