Naximov küçəsində asfaltlanma işləri həyata keçirilir

Xətai rayonunda yolların əsaslı təmiri, yenidən qurulması və işıqlandırılması, abadlıq və yaşıllaşdırma, qaz, elektrik enerjisi, istilik, su təchizatı və kanalizasiya sistemlərinin yaxşılaşdırılması istiqamətində tədbirlər davam etdirilir.

Bu istiqamətdə görülən işlər çərçivəsində Naximov küçəsində yol infrastrukturunun yenidən qurulması ilə əlaqədar istismar müddəti başa çatmış müxtəlif diametrə malik su və kanalizasiya xətləri müasir tələblərə uyğun yeniləri ilə əvəzlənib.

Bütün beton bordyurlar dəyişdirilib, piyadalar üçün səki salınıb və yekun asfaltlanma həyata keçirilir.

Xətai rayonunda yaşıllıq ərazilərin salınmasına xüsusü diqqət ayrılır

Xətai rayonunda geniş vüsət alan abadlıq-quruculuq işləri çərçivəsində yaşıllıq ərazilərinin salınmasına da xüsusi diqqət yetirilir. Bir müddət əvvəl abadlıq tədbirlərinə başlanılan Sabit Orucov, İzzət Orucova və Fəzail Bayramov küçələrində son yaşıllaşdırma işləri, qazon örtüyünün salınması davam etdirilir.