Xətai rayonu ərazisində xüsusi karantin rejiminin tələblərinin icrasına nəzarət məqsədilə gücləndirilmiş monitorinqlər davam etdirilir.

Rayon İcra Hakimiyyətinin məsul əməkdaşları, yaradılmış mobil qruplar və hüquq-mühafizə orqanlarının nümayəndələri tərəfindən əhalinin sıx olduğu məkanlarda, bütün ictimai-iaşə və ticarət obyektlərində mütəmadi reydlər keçirilir.
Obyekt sahiblərinə Nazirlər Kabinetinin Operativ Qərargahının tələblərinə ciddi əməl olunması barədə göstərişlər verilir.
Həmçinin, sakinlərlə ictimai yerlərdə sosial məsafənin gözlənilməsi şərtilə tibbi maskalardan, dezinfeksiyaedici məhlullardan istifadənin, sanitar-gigiyena qaydalarına riayət etməyin vacibliyinə dair geniş təbliğat-izahat və maarifləndirmə işləri aparılır.
Eyni zamanda pozuntu hallarına yol vermiş obyekt sahibləri və ya cavabdeh şəxslər barədə hüquq-mühafizə orqanlarının əməkdaşları tərəfindən qanunvericiliklə müəyyən edilmiş tədbirlər görülür.



Xətai rayonu ərazisində növbəti dəfə gücləndirilmiş dezinfeksiya işləri aparılıb

Xətai rayonunda küçə və prospektlərdə xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılıb.

https://video.azertag.az/video/97849?fbclid=IwAR21nI_A4oW29h3TdnfqnCK-iulbzd5ux3XZcyuuayH9dbN33nuCKQT0UIs#.XwBCmwaNqLY.facebook

Gün ərzində rayonun Xocalı, Gəncə, Nobel prospektlərində, Y.Səfərov, İ.Zülfüqarov, X.Məmmədov, M.Rüstəmov, Neapol, İ.İsmayılov, M.Hadi və s. küçələrində genişmiqyaslı dezinfeksiya işləri aparılırb küçələr kimyəvi məhlulla xüsusi avtomaşınlarla yuyulub.

Rayonun kommunal xidmətlərinin əməkdaşları tərəfindən dezinfeksiyaedici aparatlarla səkilərdə, yol kənarlarında, park və meydanlarda, obyektlərin qarşısında, yol kənarı məhəccərlərdə də tibbi-profilaktiki işlər görülüb.

Bununla yanaşı, yaşayış binalarında, həyət və yaşayış məhəllələrində, buradakı idman-əyləncə qurğularında, məişət tullantılarının atıldığı konteyner meydançalarında da tibbi-profilaktik və dezinfeksiyaedici tədbirlər davam etdirilir.

Qeyd edək ki, bununla əlaqədar sakinlərdən ciddi zərurət yaranmadığı təqdirdə bu gün küçəyə çıxmamaq tövsiyyə olunub.