Ağdam Rayonu İcra Hakimiyyətinin başçısı Raqub Məmmədov - Ağdamda prezident seçkilərində səsvermə çox sakit şəraitdə həyata keçirilib və Ağdam seçicilərinin konstitusion hüquqlarını reallaşdırmaq üçün bütün standartlara cavab verib.Ökəmizin hərtərəfli inkişafı, dövlətçiliyimizin möhkəmləndirilməsi və beynəlxalq nüfuzunun artırılması sahəsindəki çoxşaxəli fəaliyyət təkcə bir partiyanın, yaxud hakimiyyətin deyil, əqidəsindən asılı olmayaraq, hər bir kəsin maraq və mənafelərinin qorunmasını təmin edir. Ona görə də 11 aprel seçkilərinin nəticələri hamımızın qələbəsidir. Xüsusi vurğulamaq yerinə düşər ki, Ulu öndər Heydər Əliyevin siyasi memarlığı və qoruyucu ruhu hər zaman vətənimizin başı üzərindədir. Milyonlarla qardaş və bacılarımız 11 aprel 2018-ci il tarixində bir daha milli liderinin irsinə sədaqətini və dönməzliyini nümayiş etdirdi.
Möhtərəm cənab prezident!
Böyük səs çoxluğu ilə qələbə qazanmağınız ondan xəbər verir ki, xalq Sizin rəhbərliyiniz altında sabitliyə və təhlükəsizliyə, həyat səviyyəsinin yüksəldilməsinə, ölkənimizin ərazi bütövlüyünün təmin olunmasına dərin inam bəsləyir. Bir sözlə, Sizin qələbəniz Azərbaycanın dövlət müstəqilliyinin 100 illiyinə ən böyük töhfədir.
Vəzifəsini vicdanla yerinə yetirən, təmsilçisi olduğu dövlətin, hakimiyyətin, xalqın və prezidentin etimadını yüksək səviyyədə doğrulda bilən məmur problemi tarixən olmuş və gələcəkdə də olacaqdır. Bu problem yeni yaranmış gənc dövlətlərdə daha qabarıq şəkildə özünü biruzə verməkdədir. Təşəbbüskar Azərbaycan vətəndaşı, ictimai-siyasi proseslərdə ciddi şəkildə iştirak edən bir insan kimi, bu problem məni həmişə düşündürüb. Qəti qərara gəlmişəm ki, yaxşılara yaxşı deməyin, onların əsl qiymətini verməyin zamanı çoxdan yetişib.
Təəssüf ki, bəziləri, xüsusən də mətbuatda olanların bir qismi Ağdam Rayonu İcra Hakimiyyətinin başçısı Raqub Məmmədovun uğurunu görmək istəmirlər. Xülyalarını həqiqət kimi qəbul etdirməyə çalışırlar. Mətbuatda gözdən salmaq üçün "Ağdamın icra başçısının adı qalmaqaldan əskilmir", "Raqub Məmmədovun qardaşı Ağdamda 170 minə vəzifə satır", "Ağdam icra başçısı saxta diplomlu kürəkənini işə düzəltmək üçün Çovdarova nə verib?" başlıqlı məqalələr yazırlar və ya obyekt, villa şəkillərini ictimailəşdirərək guya Raqub Məmmədova aiddir.. Amma bunlar əsassız məlumatlardır. Əslində Raqub Məmmədov haqqında yazılanlara təəccüblənmirik. Çünki Raqub müəllimin gördüyü uğurlu işləri qaralayanlar hələ çox olacaq.
Görməyə göz hamıda var. Yetər ki, yaxşını yaxşı görməyə istək olsun. Əyri prizmadan məqsədli fikirlər yazana da, yazdırana da, barəsində yazılana da ziyan gətirir.
Həmkarlarımıza demək istərdik ki, heç bir “etibarlı mənbə” Ağdam Rayonu İcra Hakimiyyətinin başçısı Raqub Məmmədovu əvəz edə bilməz.
Yaxşıların yaxşı olduğunu deməklə kimin-kim olduğunu deyirik, yaxşılara yaxşı deməklə onları daha böyük işlər görməyə ruhlandırırıq. Digərlərini isə yaxşılardan nümunə götürməyə səsləyirik. “Xalqın ən böyük xidmətçisi mənəm. Məndən nümunə götürün” – deyən prezident İlham Əliyevdən kim nümunə götürdü?
Raqub Məmmədov yüksək insanlığı ilə seçilən bir insan və icra başçısıdır!
Raqub Məmmədov insanlara yaxşılıq etmək üçün dünyaya gəlib!
Raqub Məmmədov böyük müəllimi və idealı olan Heydər Əliyev kimi layiqli insanlara dəyər verməkdən zövq alır!
Raqub Məmmədov bütün işləri yüksək professionallıqla və böyük operativliklə icra edir! Bunun sirri onun Ağdam Rayonu İcra Hakimiyyəti kimi çoxsahəli professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Raqub Məmmədovun gərgin əməyi və zəhməti sayəsində Ağdam sürətlə inkişaf edir, abadlaşır və yenidən qurulur. Ağdam rayon İcra Hakimiyyəti Başçısı cənab Raqub Məmmədovun bu rayona başçı təyin olunduğu vaxtdan bəri, Ağdamın əksər sahələrində böyük canlanma, dinamik inkişaf müşahidə olunmaqdadır. Rayondan qanuninfo.az-nun elektron poçtuna ünvanlanan məktublarda Ağdam RİH-nin başçısı Raqub Məmmədovun fəaliyyətinə dair razılıq hisslərinin ifadə olunması ilə yanaşı, rayonda gedən proseslərin saytımızda işıqlandırılması xahişlərinə də tez-tez rast gəlinir.
Deyəsən, bəzi media orqanları Ağdam Rayonu İcra Hakimiyyətinin başçısı Raqub Məmmədov haqqında böhtan yazmağı özləri üçün pis bir vərdişə çeviriblər. Görünür, kimlərsə, icra başçısı təyin olunandan bəri rayonda sıra uğurlu layihələrə imza atan Ağdam Rayonu İcra Hakimiyyətinin başçısı Raqub Məmmədov barədə ağlına və ağzına gələni yazmağı “peşə borcu” sayırlar.
Odur ki, belə əsassız məlumatlar yayanlar söz azadlığını yalan və böhtan azadlığı kimi başa düşməkdən əl çəkməlidirlər. Unutmamalıdırlar ki, belə cılız qarayaxmalar bütövlükdə KİV-ə inamı azaldır, mətbuatın ümumi nüfuzuna xələl gətirir.
Ağdam Rayonu İcra Hakimiyyətinin başçısı Raqub Məmmədovun bizim müdafiəmizə ehtiyacı yoxdur.
