Rusiyadan nüvə silahı ilə bağlı daha bir AÇIQLAMA

Rusiyadan nüvə silahı ilə bağlı daha bir AÇIQLAMA Rusiya Federasiyasının BMT-dəki daimi nümayəndəsinin birinci müavini Dmitri Polyanski ölkəsinin Ukraynada nüvə silahından istifadə ehtimalı ilə bağlı iddialara münasibət bildirib.

"TASS" xəbər verir ki, o, yayılan məlumatların əsassız olduğunu bildirib.

"Ukraynadakı əməliyyat zamanı Rusiyanın nüvə silahından istifadə etməsi ehtimalı ilə bağlı eyhamların zərrə qədər də rasional əsası yoxdur, belə silahlardan istifadə meyarlarının Ukraynada baş verən ssenari ilə heç bir əlaqəsi yoxdur".

Dmitri Polyanski nüvə silahı ilə bağlı yayılan məlumatları təxribat adlandırıb:

“Təəssüflə qeyd edirik ki, məsuliyyətsiz Qərb siyasətçilərinin və ekspertlərinin ağzından Ukraynada xüsusi hərbi əməliyyat zamanı Rusiyanın nüvə silahından istifadəsinin mümkün olması ilə bağlı təxribat xarakterli təlqinlər eşitmək məcburiyyətində qalırıq”, - Polyanski qeyd edib.

Polyanski nüvə silahından hansı hallarda istifadə ediləcəyi məsələsinə də aydınlıq gətirib:
“Bu gün səsləndirilən uydurmaların əksinə olaraq, Rusiyanın nüvə potensialından istifadə etməsi yalnız ona və (və ya) müttəfiqlərinə qarşı nüvə və digər kütləvi qırğın silahlarından istifadə edilməsinə cavab olaraq və ya ölkəmizə qarşı təcavüz halında mümkündür"- o vurğulayıb.

Oxşar xəbərlər