Azərbaycan xalqının tarixində ömrünü şərəflə xalqına xidmət edən, daima onun inkişafına, çiçəklənməsinə, ən əsası, var olmasına vicdanla, namusla xidmət edən əvəzolunmaz rəhbər Heydər Əliyevdir. Azərbaycan xalqı ona görə xoşbəxtdir ki, onu tanıdan, onu hərtərəfli inkişaf etdirən Heydər Əliyev zirvəsi var. Yaşadığı mənalı ömür nəsillərə nümunədir. Heydər Əliyevin hər bir fəaliyyətinin məqsədində Azərbaycan dururdu. Onun həm siyasi, həm iqtisadi, həm elmi fəaliyyəti Azərbaycanın təkcə dünəni, bu gününü deyil, ümumiyyətlə, onun gələcəyinin təminatıdır. Ən çətin andan Heydər Əliyevin xalqına arxa durmasına, qətiyyətli addımlar atmasına yüzlərcə misal çəkmək olar. O hər çətin anda qətiyyətli qərarlar verərək xalqımızın tarixində onun inkişafına, təhlükəsizliyinə xidmət edən nəticələrə nail olmuş, bir sözlə tarixin yaddaşında qalacaq hadisələrə səbəb olmuşdur. Uzaqgörən Ulu Öndər Qarabağın azadlığını qətiyyətlə vurğulayırdı. 28 ildən sonra onun qətiyyətli inamı gerçəkləşdi. 44 günlük müharibə Ali Baş Komandan İlham Əliyevin qətiyyəti sayəsində qələbə ilə başa çatdı. Aşağıdakı misralar xalqın Ümummilli liderinə ünvanlanmış ürək sözüdür.

O ölməmiş...

Ölə bilməz vətən üçün

Millət üçün doğulanlar.

Arzusuyla, əməliylə, zəkasıyla

Vətənini ucaldanlar, Millətinin gözlərində

Nur olanlar.

O, ölməmiş...

Ölə bilməz milyon-milyon insanların

Ürəyində inam olan, dilək olan,

Ümid olan, atəş olan

Gələcəyə şəfəq saçan

Günəş olan.

İlahidən bu millətə

Bəxş olunan qismət idi.

Möhtəşəmdir, əyilməzdir

Nə qədər ki, millətim var,

Vətənim var, o, ölməzdir.

O nur idi, sabah idi

İnsanlara arxa idi, pənah idi

O, sözünə, məsləkinə, inamına

Hakim idi, Allah idi.

Nur sönməz, atəş ölməz,

Allah haqdır.

Haqq bilir ki, Heydər adlı

Alov sönməz, günəş sönməz.

Bakıxanov qəsəbəsi, 72 saylı məktəb-liseyin

direktoru Fərqanə Abbasova