Xətai rayon İcra Hakimiyyətinin başçısı Rafiq Quluyev qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Rafiq Quluyev səlahiyyətləri çərçivəsində hər cür köməklik göstərməyə həmişə hazırdır.

Karantin dövründə də rayonda yaşayan sakinlərin evlərinə ərzaq bağlamaları göndərilmişdir.

Mayası vətənpərvərliklə, halallıqla yoğrulan bu gözəl insana, Xətai rayon İcra Hakimiyyətinin başçısı Rafiq Quluyevə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

Vətən müharibəsi şəhidləri Həmid Cəfərlinin və Rəcəb Məmmədovun anım mərasimi keçirilib

Vətən müharibəsi şəhidləri Həmid Cəfərlinin və Rəcəb Məmmədovun anım mərasimi keçirilib. Tədbirdə rayon İcra Hakimiyyətinin başçısı Rafiq Quluyev, YAP Xətai rayon təşkilatının sədri Vüqar Rəhimzadə, Müdafiə Nazirliyinin əməkdaşları, qazilər və digər ictimaiyyət nümayəndələri iştirak ediblər.
Tədbir şəhidlərimizin əziz xatirəsinin bir dəqiqəlik sükutla yad edilməsi ilə başlanıb. Azərbaycan Respublikasının Dövlət Himni səsləndirilib. Şəhidimizin ruhuna dualar oxunub, məzarı üzərinə əklil və tər güllər düzülüb.
Mərasimdə çıxış edən Xətai Rayon İcra Hakimiyyətinin başçısı Rafiq Quluyev şəhidlərə, o cümlədən şəhid kapitan Həmid Cəfərliyə Allahdan rəhmət, anasına və doğmalarına səbir diləyib. Qeyd olunub ki, İkinci Qarabağ savaşında uğurlu əks-hücum əməliyyatının elə ilk saatlarından etibarən düşmənin müdafiə xəttini darmadağın edən Azərbaycan Ordusu, igid, qəhrəman əsgər və zabitlərimiz bir-birinin ardınca şəhərlərimizi, kəndlərimizi, yüksəkliklərimizi azad etdilər. Vətən müharibəsi Azərbaycanın şərəfli Qələbəsi kimi tarixdə qalacaq. Bu Qələbəni qazanmaq yolunda bütün xalqımız birlik və həmrəylik nümayiş etdirdi.
Daha sonra çıxış edən YAP Xətai rayon təşkilatının sədri, siyasi elmlər doktoru Vüqar Rəhimzadə vurğulayıb ki, Şəhidlərimiz xalqımızın qəlbində əbədi yaşayacaqlar. Şəhidlərimizin şücaətini, fədakarlığını, onların Vətənə, dövlətə bağlılığını dövlətimiz, Ali Baş Komandan cənab İlham Əliyev, bütün xalqımız hər zaman yüksək qiymətləndiriblər. Bundan sonra hər gəncimiz bu igidlərin həyat amalını özlərinə örnək götürəcək.

Şəhidlərin ailə üzvləri göstərilən diqqət və qayğıya görə minnətdarlıqlarını bildiriblər.

Vətən müharibəsi şəhidləri Orxan İsmayılov, Fərid Əsgərov, Əli Qasımovun xatirə lövhəsinin açılış mərasimi olub

Mirzə Davud küçəsində Vətən müharibəsi şəhidləri Orxan İsmayılov, Fərid Əsgərov, Əli Qasımovun xatirə lövhəsinin açılış mərasimi olub.
Tədbirdə rayon icra hakimiyyətinin başçısı Rafiq Quluyev, YAP Xətai rayon təşkilatının sədri Vüqar Rəhimzadə, ictimaiyyət nümayəndələri, şəhidin ailə üzvləri və döyüş yoldaşları iştirak ediblər. Tədbirdə şəhidlərin xatirəsi bir dəqiqəlik sükutla yad edilib, Dövlət Himni səsləndirilib.
Anım mərasimində çıxış edənlər şəhidin döyüş yolunun gələcək nəsillər üçün nümunə olacağını, Vətən uğrunda canını fəda edən qəhrəmanların əbədiyyətədək xalqımızın yaddaşında yaşayacağını, onların xatirəsinin dövlətimiz tərəfindən daim uca tutulacağını bildiriblər.
Digər çıxış edənlər Müzəffər Ali Baş Komandan, Prezident İlham Əliyevin rəhbərliyi ilə Azərbaycan Ordusunun İkinci Qarabağ müharibəsində iştirak edən hər bir əsgər və zabitinin böyük Zəfərimizin əldə olunmasında misilsiz xidmətlər göstərdiklərini, onların qəhrəmanlıqlarının heç zaman unudulmayacağını vurğulayıblar. Sonra məktəblilərin ifasında şeirlər səsləndirilib.

Şəhidlərin ailə üzvləiri göstərilən diqqət və qayğıya görə minnətdarlıqlarını bildiriblər.