Təkzib

Azərbaycan Respublikasının Baş Prokuroru

hörmətli Kamran Əliyevə

Surəti :

Azərbaycan Respublikasının Baş

Prokurorluğunun mətbuat xidmətinin rəhbəri

hörmətli Eldar Sultanova

Bildiririk ki, mayın 27-də Daşkəsən rayonu ərazisində baş vermiş yol nəqliyyat hadisəsi barədə Daşkəsən rayon Polis şöbəsi tərəfindən rayon İcra hakimiyyətinə məlumat verilmişdir. Rayon Polis şöbəsi tərəfindən verilmiş məlumatda bildirilmişdir ki, həmin hadisədə heç bir xəsarət alan və şikayətçi yoxdur.

Müxtəlif xəbər saytlarında və sosial şəbəkələrdə Daşkəsən rayon İcra hakimiyyətinin nüfuzunu ləkələməyə yönəlmiş, aparılan çirkin, qərəzli kampaniyaya münasibət olaraq bildiririk ki, ictimai fikri çaşdıran bu xəbərlər tamamilə yalandır, uydurma və şayiədir. Həmin yol nəqliyyat hadisəsinin Daşkəsən rayon İcra hakimiyyətinə heç bir aidiyyəti yoxdur.

Kütləvi informasiya vasitələri ilə Baş Prokuror hörmətli Kamran müəllimdən xahiş edirik ki, bu məsələyə hüquqi qiymət verilsin və yalan məlumat yayanlar saytlar barəsində təcili qanunamüvafiq tədbir görülsün.

Əks təqdirdə bu şaiyələri yayan saytlarla bağlı cənab Prezidentə müraciət ediləcəkdir.

Hörmətlə,

Elmar Əliyev

Daşkəsən Rayon İcra Hakimiyyətində

İctimai-siyasi və humanitar məsələlər

şöbəsinin müdir müavini

tel -055-803-03-1

Təkzib

Oxşar xəbərlər