Tbilisidə keçirilən etiraz aksiyasında iyunun 24-nə Gürcüstanın Daxili İşlər Nazirliyinin (DİN) binası qarşısında aksiya təyin olunub.“Report”un yerli bürosu xəbər verir ki, sabah saat 14:00-da etirazçılar Birinci Respublika meydanından maşınlarla DİN-in binasına qədər yürüş edəcəklər.
Nazirlik qarşısında keçiriləcək aksiyada daxili işlər naziri Giorgi Qaxarianın istefası tələb olunacaq.
Aksiyanın təşkilatçıları avtomobili olan hər kəsi yürüşə qoşulmağa dəvət edib.
Bu arada parlamentin qarşısında keçirilən aksiyaya Gürcüstanın sabiq prezidenti Mixeil Saakaşvilinin həyat yoldaşı Sandra Rulofs da qatılıb. O, jurnalistlərə aksiyanın tələblərini dəstəklədiyini bildirib.
