Rusiyada sürətlə QİÇS epidemiyası yayılır.

İmmun çatışmazlığı virusu Rusiyanın Ural bölgəsini əhatə edir.

Əsasən Yekaterinburqda yayılan virusa yoluxmalar artıq Kurqan, Tümen, Omsk və Orenburqda da qeydə alınıb. Hazırda Rusiyanın Troiçk və Orsk şəhərlərində 30 yaşına qədər olan əhalinin 10%-nin QİÇS daşıyıcısı olduğu müəyyən edilib.

QİÇS-lə mübarizə təşkilatları və fondların apardığı statistikaya görə isə, təxminən Rusiya əhalisinin 1%-i QİÇS virusunun daşıyıcısıdır. Onların hazırladığı hesabatlarda isə əslində QİÇS virusunun daşıyıcılarının sayı 2-3 dəfə çoxdur, sadəcə əksər regionların yerli hakimiyyətləri bunu gizlədirlər.