Müğənni Nadir Qafarzadə bu dəfə Azərbaycan sənətkarlarının bostanına daş atıb. Publika.az xəbər verir ki, o, “Instagram” sosial şəbəkəsində paylaşdığı statusda qalmaqala səbəb olacaq müqayisə aparıb: “İndi sənətkar sözü o qədər ucuzlaşıb ki, fahişələrə də “yaxşı sənətkardı” deyirlər. Axı onlar da sənətlə məşğuldur”. Nadir Qafarzadə xalq artistlərinin ünvanına da atmaca atıb: “Adi tamaşaçı bilməsə də, biz bilirik ki, xalq və əməkdar artistlər kimlərdir, necə alıblar... Kimin daydayısı, arxası, tapşıranı var... 70 faizi belədir”. Xatırladaq ki, bu, Nadir Qafarzadənin ilk atmacası deyil. O, nəinki sosial şəbəkədə, elə efirdə də tez-tez xoşagəlməz ifadələr işlədib, həmkarlarını təhqir edib. Dəfələrlə qeydə alınan belə faktlar ya onun studiyanı tərk etməsi, ya da efirin kəsilməsi ilə nəticələnib.