Beynəlxalq sülhün və təhlükəsizliyin qorunub saxlanılması, fikir mübadiləsi və qarşılıqlı iqtisadi əlaqələr yaratmaqla dövlətlər arasındakı dostluq münasibətlərinin və əməkdaşlığın inkişafının təmin olunması məqsədilə yaradılmış Azərbaycanın da yer aldığı bir neçə beynəlxalq təşkilatlar vardır. Azərbaycanın regional və qlobal səviyyədə fəaliyyəti, o cümlədən beynəlxalq arenada əməkdaşlığı genişləndirərək və dərinləşdirərək müstəqil dövlət kimi bir sıra beynəlxalq təşkilatlara, o cümlədən İslam Konfransı Təşkilatı ( İKT 1991-ci il), İqtisadi Əməkdaşlq Təşkilatı ( İƏT 1992 ci il) Birləşmiş Millətlər Təşkilatı ( BMT 1992-ci il), Avropada Təhlükəsizlik və Əməkdaşlıq Təşkilatı (ATƏM indiki ATƏT 1992-ci il), Avropa Şurası ( AŞPA 2021-ci il), Müstəqil Dövlətlər Birliyi və çoxlu sayda digər təşkilatlara üzv olmuşdur.
1991-ci ildə qoşulduğumuz İslam Əməkdaşlıq Təşkilatı ilə mühüm önəm kəsb edən münasibətlərin daha da möhkəmləndirilməsinin tərəfdarı kimi çıxış edən Azərbaycan Respublikası əsasən konstruktiv tətəf kimi çıxş edir. İslam Əməkdaşlıq Təşkilatı Ermənistanı təcavüzkar qismində tanıyan və pisləyən ilk beynəlxalq təşkilat olması buna əyani sübutdur.
1992-ci ildə İƏT-ə üzv olduqdan sonra Azərbaycan bu təşkilat çərçivəsində fəal iştirakçıya çevrilmiş və İƏT-in bu həyat əhəmiyyətli məsələyə dair aydın və ədalətli mövqeyi həmin təşkilatla münasibətlərimizin yüksələn xətlə inkişafına əlverişli zəmin yaratmışdır.
Azərbaycanın 1992-ci ildən üzv olduğu Avropada Təhlükəsizlik və Əməkdaşlıq Təşkilatı Avropa qitəsinin bütün ölkələrini əhatə edən yeganə təşkilatdır. Azərbaycan Respublikası təşkilatın əsas sənədləri olan ATƏM-in Helsinki Yekun Aktına 1992-ci, Paris Xartiyasına 1993-cü və Avropa Təhlükəsizliyi Xartiyasına 1999-cu ildə qoşulmuşdur. Ermənistan-Azərbaycan münaqişəsinin həll edilməsindəki roluna görə, ATƏT çərçivəsində əməkdaşlıq Azərbaycan Respublikasının xarici siyasətində xüsusi yer tutur.
Avropa institutlarına inteqrasiya Azərbaycanın xarici siyasətinin başlıca prioritetlərindən biridir. Bu səbəbdən Azərbaycan 2001-ci ildən üzv olduğu Avropa Şurası ilə əməkdaşlıqda öz milli qanunvericiliyinin yüksək beynəlxalq standartlara uyğunlaşdırılması istiqamətində tədbirlər görür. Belə ki, Azərbaycan milli qanunvericiliklərin demokratikləşdirilməsinə köməklik göstərən AŞ-nin Venesiya Komissiyası ilə sıx əlaqələr qurmuş, Avropa Şurasının başlıca sənədi sayılan İnsan Hüquqları və Əsas Azadlıqlarının Qorunması üzrə Konvensiyası və onun Protokollarını 25 yanvar 2001-ci il tarixində imzalamış, 15 aprel 2002-ci ildə isə onları ratifikasiya etmişdir. Azərbaycan nümayəndə heyəti Avropa Şurası çərçivəsində, ilk növbədə bu təşkilatın Ermənistan-Azərbaycan münaqişəsinə dair ədalətli mövqeyinin formalaşdırılmasında məqsədyönlü və məhsuldar fəaliyyətilə seçilir.
Azərbaycan Respublikasının prezidenti, Ali Baş komandan cənab İlham Əliyevin apardığı daxili və xarici siyasətin səmərələliyi özünü bütün sahələrdə, 44 günlük Vətən müharibəsindəki qalibiyyət, dünya çapında haqlı mövqeyimiz və aprılan dövlətlərarası iqtisadi və siyasi əlaqələr özünü açıq aşkar göstərməkdədir. Türk Dövlətləri Təşkilatının (TDT) “Türk Əsri” çağırışı adı altında 10-cu yubiley Zirvə görüşündə iştirak etmək üçün Qazaxıstan Respublikasına səfəri türk xalqlarının birgə kordinasiyalı davranışı siyasətimizin uğuru saymaq olar.
Beləliklə edilən səfərlər, aparılan danışıqlar, Azərbaycanın bütün tərəfdar çıxdığı beynəlxalq instutlar, qoşulduğu beynəlxalq təşkilatlar və konstruktiv yanaşmalar olkəmizin haqlı mövqeyini dünya birliyinə çatdırır. Aparılan uğurlu siyasət nəticəsində Azərbaycan öz imicini qoruyur və dünyaya hüquqi bazaya dayanmış yeni bir model təqdim edir.
Bakıxanov qəsəbəsi, 271 № li məktəbin
Tarix müəllimi Babək İsmayılov
