![Prezident: “Füzulidə reallaşdırılan layihələr dünya şəhərsalma prinsiplərinin yeni qaydalarını təsbit edir”](/uploads/posts/2023-10/1697535757_fotojet-2.jpg)
AZƏRTAC xəbər verir ki, bu fikirləri Prezident İlham Əliyev oktyabrın 17-də Füzuli Şəhəri Günündə Füzuli şəhərinə köçmüş sakinlər və rayon ictimaiyyətinin nümayəndələri ilə görüşündə səsləndirib.
Azərbaycanda, Ağdamda və Zəngilanda iki dəfə Milli Şəhərsalma Forumunun keçirildiyini, orada bütün layihələrimizin təqdim edildiyini deyən dövlətimizin başçısı bildirib:
“Beynəlxalq təşkilatlar bunu çox yüksək qiymətləndirirlər, çünki doğrudan da, burada yaşayış üçün ən gözəl şərait yaradılıb, həm binaların daxili quruluşu, həm mənzillərin daxili dizaynı, həm mərtəbəlilik prinsipi, binaların bir-birindən aralı olması, məsafə, hər şey gözlənilib. Yəni rahat yaşamaq üçün bütün infrastruktur, şərait var”.