Son günlər bəzi internet saytlarında Qaradağ Rayon İcra Hakimiyyətinin başçısı Süleyman Mikayılov ilə bağlı böhtan xarakterli məlumatlar dərc edilir. Amma məlumatların hardan qaynaqlandığını deyə bilmərik. Lakin tam məsuliyyətlə qeyd edirik ki, Qaradağ Rayon İcra Hakimiyyətinin başçısı Süleyman Mikayılov haqqında yayımlanan qərəzli və böhtan xarakterli məlumatlar tamamilə əsassızdır. Bu cür dezinformasiyalar cəmiyyət arasında heç də birmənalı qarşılanmır.

Bəzi saytlar bunun əksini yazmaqla cəmiyyət arasında ajiotaj yaratmağa çalışırlar. Amma alınmayacaq.

28 May – Müstəqillik Gününə həsr olunmuş tədbir keçirildi

Qaradağ rayonunun Lökbatan qəsəbəsində yerləşən Heydər Əliyev Mərkəzində 28 May – Müstəqillik Gününə həsr olunmuş dəyirmi masa keçirildi.

Tədbirdə Qaradağ Rayon İcra Hakimiyyəti başçısının birinci müavini Emil Abbasov, başçının müavini Təranə İsmayılova, rayon icra hakimiyyəti başçısı aparatının şöbə müdiri Munis Bayramov, Milli Məclisin deputatı Səbinə Xasayeva, YAP Qaradağ rayon təşkilatının sədri Qafar Əliyev, rayonun ictimaiyyət nümayəndələri iştirak etdi.

Tədbiri giriş sözü ilə açan Qaradağ Rayon İcra Hakimiyyəti başçısının birinci müavini Emil Abbasov Azərbaycan Xalq Cümhuriyyətinin yaranmasını tarixi keçmişimizin şanlı səhifələrindən biri kimi səciyyələndirdi. O, cəmi 23 ay mövcud olan Şərqin ilk demokratik dövlətinin bir çox uğurlara imza atdığını qeyd etdi. 1991-ci ilin oktyabrında Azərbaycan xalqı XX əsrdə ikinci dəfə öz müstəqilliyini bərpa edərək Azərbaycan Xalq Cümhuriyyətinin varisi olduğunu elan etdi. Xalqın təkidli tələbi ilə Ümummilli Lider Heydər Əliyevin ikinci dəfə hakimiyyətə gəlməsi nəticəsində Azərbaycanda dövlət müstəqilliyinin yeni mərhələsi başlandı. Ulu Öndər Heydər Əliyevin müstəqil Azərbaycana rəhbərliyi ilə ölkənin ictimai-siyasi, sosial, iqtisadi, elmi-mədəni həyatında, beynəlxalq əlaqələrində əsil dönüş yarandı. Bu gün Ulu Öndərin ideyaları onun layiqli davamçısı möhtərəm Prezidentimiz cənab İlham Əliyev tərəfindən uğurla davam etdirilir. Dövlətimizin başçısının Azərbaycan Xalq Cümhuriyyətinin 100 illik yubileyi haqqında Sərəncam imzalaması, 2018-ci ili ölkəmizdə “Azərbaycan Xalq Cümhuriyyəti ili” elan etməsi onun milli dövlətçilik tariximizə diqqət və qayğısının göstəricisidir. Möhtəşəm Zəfər tariximizdən sonra Azərbaycan Xalq Cümhuriyyətinin yaranmasının növbəti ildönümünü xalqımız qürur və sevinc hissi ilə qarşılayır.

Milli Məclisin deputatı Səbinə Xasayeva öz çıxışında qeyd etdi ki, istiqlal hər bir millətin ən böyük arzusudur. Amma gerçək istiqlal, sadəcə, bayraq qaldırılması, himn oxunması və bu faktın dünyaya bəyan edilməsi ilə məhdudlaşmır. Bu istiqlalı dövlətçilik təməli ilə möhkəmlətmək, həmin dövləti milli qeyrət və vətənpərvərlik yanğısı ilə qorumaq, nəhayət, dövlətçiliyi dönməz və əbədi etmək üçün səriştə, təcrübə, fəhm, uzaqgörən siyasət və iradə ardıcıllığı zəruridir. Yalnız bu keyfiyyətlərin daşıyıcısı olan liderə xalq şərtsiz arxalana, özünün taleyini ona həvalə edə bilər. Müasir müstəqil Azərbaycan dövlətinin qurucusu kimi milli dövlətçiliyimizin ideya əsasını məhz Heydər Əliyev yaradıb. Bütün mənalı həyatını öz xalqına bəxş edən Ulu Öndərin qurucusu olduğu müstəqil Azərbaycan getdikcə daha da inkişaf edəcək, qurucusunun adını əbədi yaşadacaq.

YAP Qaradağ rayon təşkilatının sədri Qafar Əliyev Azərbaycan Respublikasının, Azərbaycan Xalq Cümhuriyyətinin yaranma tarixi və keçdiyi yol haqqında danışaraq bildirdi ki, 1918-ci il mayın 28-də xalqımızın görkəmli şəxslərinin qurduğu Cümhuriyyət Azərbaycan tarixinin şərəfli səhifəsidir. Xalq Cümhuriyyəti qısa ömür sürərək 1920-ci ilin 28 aprelində süqut etsə də, tarixdə onun yeri, Azərbaycan xalqının istiqlal arzusu, 23 aylıq müstəqil dövlətçilik salnaməsi qalmışdı. Bu qısa dövrdə Azərbaycanın bəzi milli atributları və idarəetmə mexanizmləri formalaşmışdır. Məhz buna görə də, həmin süqutdan sonra, 1991-ci ildə Azərbaycanın üçrəngli bayrağının yenidən ucaldılması xalqı fərəhləndirmişdir.

Rayon icra hakimiyyəti başçısının müavini Təranə İsmayılova, şöbə müdiri Munis Bayramov çıxışlarında Müstəqillik Gününün tarixiliyindən, özəl cəhətlərindən və müasir dövrümüzdə Azərbaycanın inkişafından ətraflı söhbət açdılar.

Sonda Qaradağ Rayon İcra Hakimiyyətinin başçısının birinci müavini Emil Abbasov tədbiri yekunlaşdıraraq, müstəqilliyin bu gün hörmətli Prezidentimiz tərəfindən şərəflə qorunduğundan, 44 günlük Vətən müharibəsindən və əldə olunan Zəfərdən danışdı. Tədbir iştirakçılarını qarşıdan gələn “28 May- Respublika Günü” münasibəti ilə təbrik etdi.

Qaradağ Rayon İcra Hakimiyyətinin başçısı Süleyman Mikayılovun Müşviqabadda səyyar qəbulu keçirilmişdir

Qaradağ Rayon İcra Hakimiyyətinin başçısı Süleyman Mikayılovun Müşviqabad qəsəbə sakinləri ilə növbəti səyyar görüşü keçirilmişdir.
Qəbulda Qızıldaş qəsəbə sakinləri, həmçinin Milli Məclisin deputatı Aydın Hüseynov, rayonun hüquq mühafizə orqanlarının, idarə, müəssisə və təşkilatlarının rəhbərləri iştirak ediblər.
Keçirilmiş səyyar qəbulda 150-ə yaxın qəsəbə sakinləri iştirak etmişdir.
Sakinlərdən 8 nəfəri fərdi qaydada dinləyən Rayon İcra Hakimiyyətinin başçısı Süleyman Mikayılov qaldırılan məsələlərin həlli ilə bağlı aidiyyəti təşkilatların rəhbərlərinə müvafiq tapşırıqlarını vermiş, bəzi müraciətlər yerindəcə həll edilmişdir.
Qəsəbə sakinləri əhalinin problemlərinin həll edilməsi məqsədilə yerlərdə həyata keçirilən tədbirlərə, göstərilən yüksək diqqət və qayğıya görə Azərbaycan Respublikasının Prezidenti İlham Əliyev və Birinci vitse-prezident Mehriban Əliyevaya minnətdarlıqlarını ifadə ediblər.
Qeyd edək ki, Qaradağ Rayon İcra Hakimiyyətinin başçısı Süleyman Mikayılov tərəfindən digər qəsəbələrdə də əhali ilə görüşlər davam etdirilir.

Ələt qəsəbəsi Kamil Məmmədov küçəsində Heydər Əliyevin 100 illiyi münasibətilə yeni mini park tikilərək sakinlərin istifadəsinə verilmişdir

Azərbaycan Respublikası Prezidenti cənab İlham Əliyevin 2022-ci il 28 noyabr tarixli 3623 nömrəli Sərəncamı ilə Azərbaycan Respublikasında 2023-cü il “HEYDƏR ƏLİYEV İLİ" elan edilmişdir.

Bakının Qaradağ rayonunda da "Heydər Əliyev ili" çərçivəsində abadlıq quruculuq işi davam edir, eyni zamanda Ümummilli lider Heydər Əliyevin anadan olmasının 100 illiyinə həsr olunmuş ağacəkmə aksiyaları, yeni abad məhəllərlərin salınması işləri həyata keçirilmişdir. Məqsəd rayon ərazisində ətraf mühitin mühafizəsinə töhfə vermək, əhalinin vaxtının səmərəli keçirməyi, asudə vaxtının maraqlı keçirilməsi, yaşıllıq zolaqlarının daha da genişləndirməsi, ekoloji tarazlığın bərpa edılməsi, insanlar arasında ekoloji mədəniyyəti, təbiətə qayğı hissini təbliğ etmək vərdişlərini aşılamaqdır.

Qaradağ rayonunun Ələt qəsəbəsində də "HEYDƏR ƏLİYEV İLİ" çərçivəsində təmizlik-abadlıq işləri davam edir. Bu məqsədlə müxtəlifyönümlü tədbirlər həyata keçirilmiş, yaşıllaşdırma və abadlıq işləri görülmüşdür. Ələt qəsəbə inzibati ərazi dairəsi üzrə nümayəndəliyinin təşkilatçılığı ilə "Heydər Əliyev İli" çərçivəsində Ulu Öndərin xatirəsinə bir neçə ay öncə qəsəbədə yeni abad məhəllənin tikintisinə başlanılmışdır.

Bu gün 22 may 2023-cü il tarixində Ələt qəsəbəsi Kamil Məmmədov küçəsində Heydər Əliyevin 100 illiyi münasibətilə yeni mini park tikilərək sakinlərin istifadəsinə verilmişdir. Parkda uşaq atraksionları və vətəndaşların asüfə vaxtının səmərəli təşkili üçün şərait yaradılmışdır.
Qeyd edək ki, ümumi sahəsi 600 kv.m olan parka 2000 ədəd mişar daşı istifadə olunaraq, hasar tikilmiş, 70 kv.metr bəzəkli dəmir reşetka quraşdırılıb. Parkən ərazisində 400 kv.m aqlay daş yerə döşənib, ərtafda 120 kv.m qazon salınıb. Bundan əlavə 50 ədəd piramida şam ağacı, 30 ədəd zeytun ağacı, 30 ədəd tuya həmişə yaşıl ağac, 130 ədəd bəzəkli gül kolları əkilmişdir. Ağacların suvarılması üçün su xətti çəkilmiş və elektrik enerjisi təminatı üçün iki ədəd günəş paneli quraşdırılıb. Əhalinin istirahətini təmin etmək üçün bir kölgəlik söhbətgah, iki ədəd 10 oturacaqlı uşaq yeləncəyi, iki ədəd sürüşkən, bir ədəd ikitərəfli, bir ədəd dairəvi artaksion və 10 ədəd skameyka quraşdırılmışdır.