Goranboyda, 31 dekabr - Dünya Azərbaycanlılarının Həmrəylik Günü və Yeni ilin gəlişi ilə bağlı, şəhidlərimizin azyaşlı övladları ilə görüş keçirildi

Goranboy rayon İcra Hakimiyyətinin təşkilatçılığı ilə 31 dekabr-Dünya Azərbaycanlılarının Həmrəylik Günü və Yeni ilin gəlişi ilə bağlı Goranboy rayon Olimpiya İdman Kompleksində şəhidlərimizin azyaşlı övladları ilə görüş keçirildi. Tədbirdə rayon İcra Hakimiyyətinin başçısı Məhərrəm Quliyev iştirak etdi. İcra Başçısı şəhid övladlarını 31 dekabr - Dünya Azərbaycanlılarının Həmrəylik Günü və Yeni ilin gəlişi ilə bağlı, təbrik etdi. Şəhid övladları üçün yeni il yolkası ətrafında bayram şənliyi keçirildi, Yeni İlin əsas simvolik personajı Şaxta Baba tərəfindən uşaqlara bayram hədiyyələri təqdim edildi.

Tatarlı kəndindən Vətən müharibəsi Şəhidimiz Leytenant Ələsov Əli Aydın oğlunun məzarı ziyarət edildi

Goranboy rayon İcra Hakimiyyətinin məsul vəzifəli əməkdaşları, bir qrup Şəhid ailələri və Qazilərlə birgə Tatarlı kəndindən leytenant Ələsov Əli Aydın oğlunun, 44 günlük Vətən Müharibəsində torpaqlarımızın azadlığı və ərazi bütövlüyümüzün təmin olunması uğrunda aparılan döyüşlərdə Şəhidlik zirvəsinə ucalmasının 2-ci ildönümündə məzarını ziyarət etdilər, Şəhidimizin ruhuna dualar edildi, əziz xatirəsi ehtiramla anıldı.

Goranboy rayon İcra Hakimiyyəti Başçısı yanında Şuranın növbəti iclası keçirildi

Goranboy rayon İcra Hakimiyyəti başçısı Məhərrəm Quliyevin rəhbərliyi ilə Başçı yanında Şuranın növbəti iclası keçirildi. İclasda Şura üzvləri, rayonun xidmət sahələrinin rəhbərləri, RİH yanında İctimai Şuranın üzvləri, inzibati ərazi dairələri üzrə nümayəndə və bələdiyyələr, rayonda fəaliyyət göstərən qeyri-hökumət təşkilatlarının nümayəndələri və bir qrup rayon fəalları iştirak etdilər. Şurada “2022-ci ildə rayonun sosial-iqtisadi, ictimai-siyasi və mədəni inkişafı sahəsində görülmüş işlər və 2023-cü ildə qarşıda duran vəzifələr ilə bağlı” və rayonun həlli vacib məsələləri barədə geniş müzakirələr aparıldı. Nəzərdə tutulan məsələlərin icrasını təmin etmək məqsədi ilə nöbəti il üçün RİH Başçısı yanında Şuranın və RİH-nin İş və Tədbirlər Planının təsdiq edilməsi, İş və Tədbirlər Planına uyğun işlərin operativ həyata keçirilməsi və icra vəziyyəti barədə rəhbərliyə müntəzəm hesabat və məlumatların verilməsinin təmin edilməsi ilə bağlı, İcra Başçısı tərəfindən müvafiq tapşırıq və tövsiyyələr verildi.

İclasın sonunda, Azərbaycan Respublikası Prezidenti cənab İlham Əliyevin 22 iyun 2022-ci il tarixli müvafiq Sərəncamına əsasən, “Dövlət qulluğunda fərqlənməyə görə” medalı ilə təltif edilmiş Goranboy rayon İcra Hakimiyyətinin İnformasiya Təminatı və Təhlil Sektorunun müdiri Muradov Faiq Nizami oğlu və Azərbaycan Respublikası Xüsusi Rabitə və İnformasiya Təhlükəsizliyi Dövlət Xidmətinin rəhbərliyinin İnformasiya Təminatı və Təhlil Sektoru əməkdaşlarının “Elektron Sorğu Sistemi”, həmçinin informasiya təhlükəsizliyi və məxfiliyin təmin olunması sahələrində göstərdiyi yüksək peşəkarlığa və fəaliyyətə görə ünvanlanmış xüsusi təşəkkür məktubu və Sektorun aparıcı məsləhətçisi Samir Qocayevə təqdim edilmiş Təşəkkürnamə ilə bağlı, təqdimat edildi.