Çox pis zəmanədə yaşayırıq. Vəzifə, səlahiyyət sahibi olanlar arasında onlara yuxarılardan və aşağılardan olan inam və etimadı doğruldanları barmaqla saymaq olar. Ömrünü-gününü bu müqəddəs amala həsr edənlər, həmin barmaqla sayılanlar arasında Milli Məclisin deputatı Məşhur Məmmədov adının olması kimsəyə sirr deyil. Kişi əsl saflıq, təmizlik nümunəsidir.

Son günlər bəzi internet saytlarında Milli Məclisin deputatı Məşhur Məmmədov ilə bağlı böhtan xarakterli məlumatlar dərc edilir. Amma məlumatların hardan qaynaqlandığını deyə bilmərik. Lakin tam məsuliyyətlə qeyd edirik ki, Milli Məclisin deputatı Məşhur Məmmədov haqqında yayımlanan qərəzli və böhtan xarakterli məlumatlar tamamilə əsassızdır. Bu cür dezinformasiyalar cəmiyyət arasında heç də birmənalı qarşılanmır. Ən azından Masallı əhalisi qəbulolunmaz məqalələri nifrətlə qarşılayır və öz iradlarını bildirirlər.

Bəzi saytlar bunun əksini yazmaqla cəmiyyət arasında ajiotaj yaratmağa çalışırlar. Amma alınmayacaq.

Milli Məclisin deputatı Məşhur Məmmədov Masallıda səyyar qəbul keçirib

Milli Məclisin deputatı Məşhur Məmmədov Masallı rayonunda əhalinin problemlərinin öyrənilməsi və yerində həlli məqsədilə səyyar qəbul-görüşləri davam etdirir.

Növbəti görüş rayonun Banbaşı kəndində keçirilib. Əvvəlcə kəndin Birinci və İkinci Qarabağ müharibəsi şəhidlərinin xatirəsinə inşa olunmuş “Şəhidlər” abidə kompleksi, şəhid Akifzadə Elmir Gündüz oğlunun büstü və Banbaşı kənd qəbiristanlığında Vətənin qəhrəman övladlarının məzarları ziyarət olunub. Şəhidlərin xatirəsi ehtiramla anılıb, ruhlarına dualar oxunub.

Daha sonra kənd sakinləri ilə keçirilən səyyar görüş zamanı vətəndaşlar tərəfindən qaldırılan məsələlərin bəziləri yerindəcə həll olunub, digər müraciətlərin həlli istiqamətində isə müvafiq tapşırıqlar verilib.

Milli Məclisin deputatı Məşhur Məmmədov - Türkiyə-Azərbaycan birliyi bölgədə önəmli bir amildir

Ötən həftəni beynəlxalq əhəmiyyətli hadisə ilə - Zəngilan Hava Limanının açılışıyla yola saldıq. Zəngilan Hava Limanının açılışı ölkəmizin həyatında əlamətdar hadisədir, çünki Hava limanının açılışı Qarabağ və Şərqi Zəngəzur üçün çox önəmlidir. Müzəffər Azərbaycan Ordusu 2 il bundan əvvəl Zəngilan şəhərini işğaldan azad etdi və iki il sonra eyni gündə Türkiyə Prezidentinin Azərbaycanda, Zəngilanda və Cəbrayılda olması xüsusi məna daşıyır. İki il əvvələ nəzər salaq; Zəngilanın azad olunmasından bir neçə gün sonra Qubadlı erməni işğalından azad edildi və Azərbaycan Ordusunun bir qruplaşması Laçın istiqamətində irəliləməyə başlamışdı, digər qruplaşma isə Şuşaya istiqamət götürmüşdü. Alınmaz qala sayılan Şuşa noyabrın 8-də erməni işğalından azad edildi, Şuşa Qalasında Azərbaycan Bayrağı qaldırıldı və ondan sonra Ermənistan təslim oldu. Bütün baş verənlər bizim şanlı tariximizdir. İkinci Qarabağ savaşının ilk saatlarından Türkiyə Cümhurbaşqanı Rəcəb Tayyib Ərdoğan Azərbaycana dəstək ifadə etdi. Bildirdi ki, Azərbaycan yalnız deyil, Türkiyə Azərbaycanın yanındadır. Bu siyasi və mənəvi dəstək savaşın son gününə qədər davam edirdi və ordumuza tükənməz stimul verirdi. Bu Türkiyə-Azərbaycan birliyinin, qardaşlığının növbəti təntənəsidir. İkinci Qarabağ savaşı, savaşdan sonrakı dövr bu birliyi daha da gücləndirdi. Şuşa Bəyannaməsi Türkiyə və Azərbaycanı rəsmən müttəfiq etdi. Bütün sahələrdə müttəfiq olduq. Türkiyə-Azərbaycan birliyi bölgədə çox önəmli bir amildir. Bu, sülh, sabitlik amilidir.

Yüz illərdir davam edən ölkələrimiz arasında dostluq, qardaşlıq bu gün də cənab İlham Əliyev və cənab Rəcəb Tayyib Ərdoğanın rəhbərliyi ilə uğurla davam etdirilir.

İkinci Qarabağ müharibəsindən sonra Türkiyə-Azərbaycan qardaşlığı, birliyi daha da yüksək pilləyə qalxıb. Azərbaycan və Türkiyə bayraqları bir yerdə dalğalanır. Bu, ürəkdən gələn duyğulardır, bu, əcdadlarımızdan qalan mirasdır, onların vəsiyyətidir və bu, zəmanəmizin tələbidir.

Bu gün bərpa edilən Qarabağda və Zəngəzurda yenə də Türkiyə-Azərbaycan birliyi görünür. Genişmiqyaslı bərpa-quruculuq işləri aparılır. Bölgənin birinci özəl sərmayəsi olan “Dost Aqropark” da iki qardaş dövlətin müştərək fəaliyyət göstərməsinə gözəl nümunədir. İnşaat, yol çəkilişi işlərində Türkiyə şirkətləri bizimlə bərabər çalışır. Türkiyə şirkətləri qısa müddət ərzində böyük işlər görüb. Avtomobil və dəmir yollarının, habelə 33 tunelin inşası nəzərdə tutulub. İşğal dövründə ermənilər bizim bütün şəhərlərimizi, kəndlərimizi yerlə bir etmişlər. Yalnız dağılmış binalar qalıb. Bu dağıntılar Birinci Qarabağ savaşında deyil, məhz işğal dövründə ermənilər tərəfindən törədilib. Etdikləri vandallıqlar ermənilərin Azərbaycan xalqına qarşı nifrətinin təzagürüdür. Ermənilərin bu vəhşilikləri, dağıntıları törətməkdə əsas məqsədi ondan ibarət idi ki, azərbaycanlılar heç vaxt bu torpaqlara qayıtmasınlar, qayıtmağa yer olmasın. Nəinki ermənilərin, ermənipərəst qüvvələrin də planları fiaskoya uğradı. Artıq Azərbaycan işğaldan azad edilmiş ərazilərdə bərpa-quruculuq işləri ilə məşğuldur. Keçmiş məcburi köçkünlər mərhələ ilə doğma yurdlarına qayıdacaqlar. Prezident İlham Əliyevin dediyi kimi, keçmiş qaçqınların qayıdışı üçün əlimizdən gələni edirik, gecə-gündüz çalışırıq və bu bərpa-quruculuq işlərində türk qardaşlarımız bizimlə bir yerdədirlər.