Dağıdılmış mədəni abidələr

Dağıdılmış mədəni abidələr Azərbaycanın işğala məruz qalmış ərazilərində erməni vandalları tərəfindən məhv edilən maddi-mədəniyyət abidələri milli sərvətimizdir. Bu abidələr təkcə maddi mədəniyyət deyil, həm də mənəviyyat tariximizin səhifələridir. Qarabağın tarixi abidələrinin darmadağın edilməsi isə tariximizin daşlaşmış yaddaşının silinməsi kimi ağrı-acılıdır.
44 günlük tarixi qələbəmiz erməni vandalları üzərində şanlı və haqlı qələbəmiz olmaqla, həm də ermənilərin bütü dünyaya əməllərinin ifşasıdır.İllər boyu özlərinə xeyirxah, mədəni,ziyalı imici geydirən ermənilər rollarını axıra qədər oynaya bilmədilər. 28 ildən sonara qürurla ayaq qoyduğumuz Vətən torpağında ermənilərin adlarına və özlərinə xas əməllərin görürük.Talan olmuş yurd yerləri, viran qalmış obalar,dağıdılmış bağlar, dağlar, dərələr,suyu qurudulmuş çaylar, göllər, köksünə xəncər sancılmış əsrlərin şahidi abidələrimiz erməni xislətinin bariz nümunəsidir
Ermənilər tarixi dəyişmək, onu öz məqsədlərinə uygun yazmaq məqsədilə tarixi “arxivimiz” olan abidələrimizi istismar etdilər. Ancaq zavallı ermənilər unutdular ki, abidələrimiz özümüz kimi çox dəhşətli hadisələrin şahidi olub. Onlara qara əllər uzadılsa da onlar dözüblər,əzablara sinə gəliblər. Dilsiz-ağızsız daş məbədlərimizə uzanan qara əlləri Şanlı Ordumuz biləyindən deyil,dibindən kəsdi.
Doğma Qarabağda saysız-hesabsız tarixi abidəmiz və məbədlərimiz var. Ancaq uşaqlığımın, gəncliyimin şahidi olan Sarı Aşıq abidəsindən məlumat vermək istəyirəm. VII əsrin tarixi abidəsi olan bu əsrarəngiz məbəd Laçın rayonunun Güləbird kəndinin giriş hissəsində uca bir təpədə yerləşirdi. El arasında “Haqq aşığı” kimi tanınan Sarı Aşıq Azərbaycan şifahi xalq ədəbiyyatında xüsusilə bayatıları ilə diqqəti cəlb edir.
Mən aşiq Güləbirdə,
Şeh düşdü Güləbirdə.

Bir quş olub uçaydım,
Qonaydım gülə bir də.
Sarı Aşığın həyatıyla bağlı xalq arasında "Yaxşı və Aşıq" dastanı təşəkkül tapmışdır. Sarı Aşıq əsasən bayatılarıyla tanınır. O, "bayatı qoşmaq qadın işidir" deyənlərə meydan oxuyaraq yaradıcılığında bu janra üstünlük vermişdir.Aşıq əsasən əxlaqi məsələlərə toxunan bu bayatılarında cinaslardan çox ustalıqla istifadə etmişdir. Şeirlərində atalar sözlərini və məsəlləri tez-tez işlədən Sarı Aşıq çoxlu sayda sevgi şeirlərinin də müəllifidir.
1993-cü ildə erməni vandalları Sarı Aşığın qəbrini tamamilə dağıtmışlar.
Cənab Prezidentimiz işğaldan azad olunmuş Laçın rayonunun kəndlərinin adını çəkəndə onların içində Sarı Aşığın ruhunun gəzdiyi Güləbird kəndi də var idi. Talan olmuş, viran qalmış Güləbird və yerlə bir olan Sarı Aşıq abidəsi. Düşmən 28 ildə nəqədər çalışsa da abidələrimizi məhv edə bilmədi. Sanki abidələrimiz düşmənlə vuruşmuşdular,onlar yaralansalar da bütün əzablara dözdülər, xilaskarlarının gəlişini gözlədilər.
Fevral ayında Laçın rayonun Güləbird kəndinə səfər edən prezidentimiz öz səfəri ilə yurd yerlərimizdə nəhəng bir iqtisadi inkişafın təməlini qoydu.Prezidentimizin vurğuladığı kimi Qarabağımız elə gözəl olacaq ki, düşmənə əbədi göz dağı olacaq. Əməllərimizlə Qarabağ gülüstana dönəcək, dağıdılmış abidələrimiz bərpa olunacaq. Xalqımız rəhbərinə inanaraq, ona arxalanaraq xariqələr yaradacaq. Düşmənə isə əbədi lənət qalacaqdır.

Bakıxanov qəsəbəsi, 72 saylı məktəb-liseyin direktoru Fərqanə Abbasova


Oxşar xəbərlər