28 oktyabr 2016-cı il tarixdə “Premier Expo” otelində Azərbaycan Respublikası Prezidenti yanında Gənclər Fondunun maliyyə və Nərimanov Rayon Gənclər və İdman İdarəsinin təşkilati dəstəyi ilə “Mənim intellektim” adlı layihənin açılış mərasimi və birinci mərhələsi keçirilib.

Açılışda layihə rəhbəri Mahir Quliyev çıxış edərək layihənin məqsədini bildirib və iştirakçılara uğurlar arzulayıb.

Layihənin məqsədi məktəblilərin intellektual və yaradıcı inkişafına təkan vermək, şagirdlərin intellektual fəaliyyətə daha geniş miqyasda cəlb olunması və asudə vaxtlarının səmərəli təşkili, eyni zamanda da intellektual oyunlar vasitəsilə Azərbaycanımızın mədəniyyəti, tarixi, coğrafiyası, adət-ənənələri barədə bilgilənmələrinə və gənclərin təhsilli böyüməsinə dəstək olmaqdır.

Layihə 28-31 oktyabr 2016-cı il tarixlərdə keçiriləcək.