Səlyan RİH başçısının müavini, YAP rayon təşkilatının sədri Rəşad Cəbrayılov natiq əsası ulu öndərimiz Heydər Əliyev, sonradan cənab Prezidentimiz İlham Əliyev tərəfindən daim diqqət mərkəzində qalan Səlyan rayonu haqqında məlumat vermiş və qeyd etmişdir ki, son zamanlar Səlyan rayonunda gedən abadlıq-quruculuq işləri göz qabağındadır. Məhz bu işlərin nəticəsidir ki şəhərn siması xeyli dəyişib, gözəlləşib. Turizm rayonunu kimi də tanınan Səlyanda aparılan işlər digər rayonlardan və xarici ölkələrdən gələn qonaqların da diqqətindən yayınmır. Həyata keçirilən iri infrastruktur layihələri, yeni istifadəyə verilən mədəni-sosial obyektlər, yatırılan sərmayələr bu rayona dövlət qayğısının bariz nümunəsidir. Necə deyərlər, min eşitməkdənsə bir görmək yaxşıdır.

Səlyanda gedən inkişaf elə ilk baxışdan diqqəti cəlb edir. Şəhərin mərkəzində ucaldılan möhətəşəm üçrəngli bayraq isə şəhərə xüsusi gözəllik verir. Söz yox ki, şəhəri gözəl göstərən digər amil onun yollarıdır. Səlyan şəhərində demək olar ki bütün yollar asfaltlanıb. Bundan əlavə, mərkəzi küçələrdə hərəkətin ikizolaqlı olması gediş-gəlişi asanlaşdırmaqla yanaşı şəhərə xüsusi yaraşıq verir. Yol kənarlarında salınmış yaşıllıqlar göz oxşayır. Yaşıllıqlar vaxtaşırı suvarılır və onlara xüsusi qulluq olunur. Müasir standardlara uyğun işıq dirəkləri quraşdırılıb. Mərkəzi prospekt və küçələrin yaxınlığındakı evlərin dam örtüyü, qapıları, fasad hissəsi dövlət vəsaiti hesabına və rayonun memarlıq üslubunu qorumaqla yenilənib. Bütün bu yeniliklər sakinlərin də ürəyincədir.

Səlyan rayonunda abadlıq-quruculuq işləri son bir neçə il ərzində geniş vüsət alıb. Dövlət sosial müdafiə fondu və statistika komitəsinin yerli şöbələri, təhsil şöbəsi və bir sıra mədəni-sosial obyetklər üçün yeni binalar tikilib istifadəyə verilib. Bu isə əhaliyə yüksək keyfiyyətli xidmət göstərilməsinə imkan verir.

Səlyan rayonunda diqqət çəkən əsas məqamlardan biri də şəhərdə yeni parkların salınması, mövcud parkların yenidən qurulmasıdır. Burada parklar xüsusi zövqlə bəzədilib. Parklarda insanların rahat dincəlib istirahət edə bilmələri üçün hər bir şərait yaradılıb. Heydər Əliyev parkı, şəhər parkı, gənclik parkı və digər istirahət məkənları şəhər sakinlərinin asudə vaxtlarında ən çox üz tutduğu yerlərdir.

Səlyan rayonunda baş verən sürətli inkişafı sözlə izah etmək mümkün deyil. Necə deyərlər min eşitməkdənsə, bir görmək yaxşıdır. Gecə saatlarında isə şəhər bam-başqa olur. Burada yaradlılan işıqlandırma sistemləri, şəhərin gözəlliyini xüsusi rəng qatır. Bərq vuran rəngərəng işıqların yaratdığı gözəllik fonunda sanki həyat yenidən qaynamağa başlayır.

Heydər Əliyev parkı, şəhər parkı, gənclik parkı və digər istirahət məkənları şəhər sakinlərinin asudə vaxtlarında ən çox üz tutduğu yerlərdir.