İyunun 13-də Azərbaycan Respublikasının Prezidenti İlham Əliyevin Türkiyə Respublikasının Prezidenti Rəcəb Tayyib Ərdoğan ilə geniş tərkibdə görüşü keçirilmişdir.
Türkiyə Prezidenti Rəcəb Tayyib Ərdoğanı salamlayan Azərbaycan Respublikasının Prezidenti İlham Əliyev Türkiyə Prezidenti Rəcəb Tayyib Ərdoğanın prezident seçkilərindən sonra ilk Azərbaycana gəlməsindən məmnun olduğunu bildirərək, seçkilərdə qələbə qazanması münasibətilə onu təbrik etdi və Azərbaycanda da çox sevildiyini söylədi. Azərbaycan-Türkiyə qardaşlığının mühüm amil olduğunu, iş görüşməsi zamanı növbəti illərdə görüləcək işlərlə bağlı yol xəritəsi cızdıqlarını qeyd etdi.
Bu görüşdə prezidentlər İlham Əliyev və Rəcəb Tayyib Ərdoğan Zəngəzur dəhlizinin açılması məsələsini də müzakirə ediblər. Azərbaycan Prezidenti İlham Əliyev Zəngəzur koridorunun tezliklə açılması haqqında fikir mübadiləsi apardıqlarını və nə qədər tez olsa, o qədər yaxşı nəticə vercəyini bildirdi. Zəngəzur dəhlizinin açılmasının qaçılmaz olduğunu söylədi. Bu dəhlizin açılması bütün ölkələr üçün yeni imkanlar yaradacığını və bölgədə işbirliyi məsələlərinə də müsbət təsir göstərə biləcəyini vurğuladı.
Konfransda Türkiyə Prezdenti Rəcəb Təyyib Ərdoğan isə bildirib ki, "Zəngəzur dəhlizi Türkiyə-Azərbaycan münasibətlərinin inkişafına töhfə verəcək. Zəngəzur dəhlizi məsələsinin həlli bizə iki mühüm imkanı qazandıracaq. İstər avtomobil yolu, istərsə dəmir yolu ilə bağlı atılacaq addımlarla Türkiyənin Naxçıvanla əlaqəsi daha güclü olacaq. Bu əlaqələr də Türkiyə ilə Azərbaycan arasındakı münasibətlərin güclənməsinə imkan verəcək".

Ramana qəsəbəsi, 198 nömrəli məktəbin
Direktoru Şəlalə Nadirova