Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Qaradağ Rayon Enerji Təchizatı və Satışı İdarəsinin rəisi Mehman Mehdiyevdir.

Qaradağ Rayon Enerji Təchizatı və Satışı İdarəsinin rəisi Mehman Mehdiyev qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Mehman Mehdiyev səlahiyyətləri çərçivəsində hər cür köməklik göstərməyə həmişə hazırdır.

Mayası vətənpərvərliklə, halallıqla yoğrulan bu gözəl insana, Qaradağ Rayon Enerji Təchizatı və Satışı İdarəsinin rəisi Mehman Mehdiyev biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

Qaradağ Rayon Enerji Təchizatı və Satışı İdarəsinin rəisi Mehman Mehdiyev - Prezidenti İlham Əliyevin respublikamızın bütün rayon və bölgələrinə, o cümlədən işğaldan azad edilmiş ərazilərə müntəzəm səfərləri bu ərazilərdə aparılan yenidənqurma işlərinin dövlətin tam nəzarətində saxlandığını göstərir. Həmçinin bu səfərlər zamanı dövlət başçımızın çoxsaylı obyekt və müəssisələrin açılış və təməlqoyma mərasimlərində iştirak etməsidə artıq gözəl bir ənənəyə çevrilmişdir. Bu baxımdan Azərbaycan Respublikasının Prezidenti İlham Əliyevin və birinci xanım Mehriban Əliyevanın oktyabrın 4-də Ağdam rayonuna etdikləri səfər də əlamətdar hadisələrlə xeyli zəngin oldu. Səfər çərçivəsində dövlətimizin başçısı və birinci xanım Ağdam rayonunun Eyvazxanbəyli kəndində Atçılıq Nəsilartırma Mərkəzinin, Ağdam rayonunun Xıdırlı və Kəngərli kəndlərinin, şəhərin daxili yol və kommunikasiya şəbəkəsinin, City Hotel Agdam mehmanxanasının, Ağdam şəhərində keçmiş məcburi köçkünlər üçün inşa olunacaq 470 mənzildən ibarət yaşayış məhəlləsinin, şəhərin dəmir yolu və avtovağzal kompleksinin, rayonun Sarıcalı kəndinin təməlqoyma və Xurşidbanu Natəvanın abidəsinin açılışında mərasimlərində iştirak ediblər.

Qeyd etmək lazımdır ki, bu gün işğaldan azad edilmiş Ağdam şəhəri faktiki olaraq tamamilə yenidən salınır. Çünki 30 illik işğal dövründə erməni barbarları vaxtilə Qarabağın ən böyük şəhəri olmuş Ağdamı tamamilə dağıdıb, yerlə-yeksan ediblər. Təsadüfi deyil ki, işğaldan azad edildikdən sonra buraya səfər edən xarici jurnalistlər Ağdama “urbisid qurbanı”, “ruhlar şəhəri” və “Qafqazın Xirosiması” kimi adlar vermişdilər. Oktyabrın 5-də Ağdamda keçirilmiş Azərbaycan Milli Şəhərsalma Forumunun açılış mərasimində çıxış edən Prezident İlham Əliyev öz nitqində bu məsələyə də toxunaraq bildirdi ki, İkinci Qarabağ müharibəsi başa çatandan sonra Azərbaycanın bu ərazilərinə gələn bir çox insanlar Erməni barbarlığı və vandalizminin indiyədək heç yerdə görünməmiş vəhşiliklərinin belə böyük miqyası ilə rastlaşdıqda özlərini mənəvi cəhətdən tamamilə tükənmiş hiss edirlər. Əlbəttə Ağdam erməni vandalizminin qurbanı olmuş nə yeganə şəhər, nə də yeganə yaşayış məntəqəsi deyil. Burada müşahidə olunan dağıntıları Qarabağ ərazisində hər bir kənddə görmək mümkündür. O cümlədən işğal dövründə Füzuli, Cəbrayıl, Qubadlı, Zəngilan şəhərləri də tamamilə talan edilib və dağıdılıblar. Həmçinin unutmaq lazım deyil ki, Ermənistanın təcavüzü və işğalı nəticəsində Qarabağ, Zəngəzur, həmçinin bugünkü Ermənistanda 1 milyondan çox azərbaycanlı öz doğma torpaqlarından tamamilə etnik təmizləməyə məruz qalıb.

Təəssüflər olsun ki, bəzi beynəlxalq təşkilatların işğal dövründə ölkəmizə qarşı ədalətsiz mövqedə durması, Ermənistanın isə törətdiyi bütün cinayətlər müqabilində cəzalandırılmaması təcavükarın daha da azğınlaşmasına yol açmışdı. ATƏT-dən guya ki, münaqişənin dinc yolla həll olunması prosesində vasitəçilik etmək üçün mandat almış Minsk Qrupu və onun həmsədrləri işğal olunmuş ərazilərə dəfələrlə səfərlər edib, bütün şəhər və kəndlərin qəddarcasına dağıdılmasının, ermənilərin torpaqlarımızda qanunsuz məskunlaşdırılmasının şahidi olublar. Lakin Ermənistana qarşı heç bir tədbir görülməyib, sanksiya tətbiq olunmayıb. Ermənilər işğal dövründə Azərbaycan torpaqlarında 1 milyondan çox mina basdırıblar. Həmçinin İkinci Qarabağ müharibəsi başa çatandan sonra ermənilər tərəfindən yenə də bizim ərazilərdə ən azı 1400 mina basdırılıb və bu, Azərbaycana qarşı hərbi cinayət əməllərinin, terror siyasətinin davamı deməkdir.

Ermənistanın bu addımları əlbəttə ki, sülh prosesinə böyük zərər vurur. Lakin Azərbaycan bütün bunlara rəğmən yenə də qarşı tərəfə sülh təklifini göndərir. Prezident İlham Əliyevin dediyi kimi, Azərbaycanın işğal altında olmuş 10 min kvadratkilometrdən çox ərazilərinin Ermənistan tərəfindən dağıdılmasına, 30 illik işğal dövründə insanlarımızın çəkdiyi zülmlərə baxmayaraq, biz Ermənistana sülh təklif etdik. Azərbaycan sülh müqaviləsi üçün əsas olan beynəlxalq hüququn beş əsas prinsipini irəli sürdü: ölkələrin ərazi bütövlüyünün qarşılıqlı tanınması, gələcəkdə ərazi iddialarından çəkinmək, güc tətbiq etməmək və ya güc tətbiq etmək hədəsindən çəkinmək, dövlət sərhədlərinin müəyyən edilməsi və kommunikasiyaların açılması. Təbii ki, Azərbaycanın Qarabağ bölgəsində yaşayan erməni əhalisinin müqəddəratının müzakirəsi heç bir müqavilənin mətnində yer ala bilməz. Çünki Qarabağda yaşayan ermənilər Azərbaycan vətəndaşlarıdır və onlarla iş Azərbaycanın daxili məsələsidir. Artıq Ermənistan da adekvat siyasət yürütməyə başlamalıdır və Azərbaycanın sülh təklifindən maksimum yararlanmaq üçün səy göstərməlidir.