Bolqarıstan və Azərbaycan arasında 2015-ci ildə imzalanmış strateji tərəfdaşlıq haqqında Birgə Bəyannamə bu iki ölkənin əməkdaşlığının davamlılığını təmin edir. Bu Bəyannamə əməkdaşlığımızı yüksək səviyyədə qaldırmış və bütün təsbit edilmiş məsələlər öz əksini tapmışdır.
Hər iki ölkənin nazirləri arasında tez-tez siyasi görüşlər keçirilir və yeni layihələr üzərində işlənilir.
Azərbaycan qazı artıq Bolqarıstana da ixrac edir. Bu ixracın gələcəkdə artırılması gözlənilir.
Prezident İlham Əliyev də görüşdə bir çox bu kimi məsələlərə toxundu. İlk öncə tarixi görüşdə iştirakına görə Bolqarıstan Prezidenti hörmətli Radevə təşəkkürünü bildirdi. Bu görüşün Yunanıstan-Bolqarıstan Qaz İnterkonnekları layihəsi Avropanın enerji təhlükəsizliyini möhkəmləndirilməsində və qaz təchizatının şaxələnməsində mühüm rol oynayacağını bildirib. Enerji təhlükəsizliyi hər bir ölkənin milli təhlükəsizliyinin 1 hissəsidir. Təxminən iki ildir ki, Azərbaycan qazı Avropa bazarlarına çıxarılır və indi isə Bolqarıstana daxil olur.
Bu vaxta qədər yeganə mənbə Xəzərin Azərbaycan Sektorunda yerləşən “Şahdəniz” qaz yatağı olmuşdur. Lakin Azərbaycan artıq bir neçə qaz yatağında da hasilata başlayacaq və bu da gələcəkdə Bolqarıstana təhcizat həcimlərinin artırılmasının töhfə verəcəkdir.
Prezident İlham Əliyev çıxışında onu da bildirdi ki, uzun illərdir Azərbaycan Beynəlxaq bazarda etibarlı neft təhcizatçısı olub, indi isə etibarlı təhcizatçısına çevrilib.
Ötən il Azərbaycanın qaz ixracı 19 milyard kub-metr olmuşdur, onun 8,2 milyard kub-metri Avropaya nəql olunmuşdur. Bu il isə ixracın 22 milyard kub-metrə qədər artacağı və bunun 11,5 milyard kubmetri Avropa istehlakçılarına çatdırılacağı nəzərdə tutulub.
Prezident İlham Əliyev onu da bildirdi ki, cari ilin iyul ayında Prezident Ursula Fon der Lyayenin Azərbaycan səfəri zamanı Avropa komissiyası ilə Anlaşma Memorandumu imzalanıb. Bu memorandumun çox əhatəli olduğunu və ona əsasən Azərbaycan 2027-ci ilə qədər təbii qaz təhcizatı həcmini ən azı iki dəfə artırmağı planlaşdırır. Sonda isə Prezident İlham Əliyev Bolqarıstan, Yunanıstan xalqlarının və hamımızı bu tarixi mərasim, belə bir mühüm layihənin tamamlanması münasibəti ilə təbrik edib və Yunanıstan -Bolqarıstan Qaz İnterkonnektoruna uzun və uğurlu fəaliyyət arzu edib.
Onu da qeyd edək ki, Azərbaycan qazının Avropaya nəqli 2020-ci ilin axırında cənub Qaz Dəhlizinin sonuncu seqmentinin TAP-ın işə düşməsi ilə başlayır. Hazırda Türkiyə, Gürcüstan, Yunanıstan, Bolqarıstan, Albaniya və İtaliya Azərbaycan qazının alıcılarıdır.
Daha da böyük uyğurlara doğru Azərbaycan!

Sabunçu rayonu, 128 nömrəli tam orta məktəbin
müəllimi Zəhra Əkbərova