Azərbaycan öz torpaqlarını işğaldan azad etmək uğrunda apardığı 44 günlük müharibə və bu müharibədə qazandığı möhtəşəm qələbə Azərbaycanımızın tarixinə qızıl hərflərlə yazıldı. Bu qanlı-qadalı müqəddəs müharibədə neçə-neçə Azərbaycan əsgəri şəhid oldu. Qanları ilə tarix yazan müqəddəs şəhidlərimizin, igid qazilərimizin adı dillərdə dastan oldu.

Xalqımızın iradəsi, möhkəm birliyi dünyanı mat qoydu. Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə Azərbaycan Ordusu misilsiz qələbə qazandı. Müharibə dövrünün ən ağır yükü ordumuzla bərabər Prezidentimizin çiyinlərində idi. “Dəmir yumruq” sahibi olan qətiyyətli Prezidentimiz “dəmir məntiqi” ilə döyüşürdü. Cənab Prezident böyük intellektin, sarsılmaz iradənin, güclü qətiyyətin tələb olunduğu hər yerdə idi : diplomatiya cəbhəsində döyüşürdü, siyasət meydanında döyüşürdü, informasiya müharibəsində ən ön cərgədə idi.

Azərbaycan Respublikasının Prezidenti İlham Əliyev işğaldan azad olunmuş rayonlara səfərlərdə viran olmuş ərazilərə erməni vandalizminə nifrəti aydın görsənirdi. Qayğılı gözləri ilə bu ərazilərə baxıb, yeni-yeni planlar qururdu. Vətənə məhəbbət hissi o qədər güclü idi ki, o tez bir zamanda işğaldan azad olunmuş əraziləri gülüstana çevirmək istəyirdi. 2021-ci ilin avqustunda Azərbaycan Respublikasının Prezidenti İlham Əliyev və birinci xanım Mehriban Əliyeva Kəlbəcərdə oldular. Prezident İlham Əliyev səfər zamanı qeyd edərək dedi : “Yolumuz Kəlbəcərədir. Ömər aşırımından keçərək Kəlbəcərə gedirik. Bu yol son bir neçə ay ərzində genişləndirildi. Çünki bu yol demək olar ki, keçilməz idi. Tunellər tikiləndən sonra gediş-gəliş çox rahat olacaq. Bu aşırımın hündür hissəsində dayanaraq bir daha Azərbaycan xalqını tarixi Zəfər münasibətilə təbrik etmək istəyirəm.”

Azərbaycan Prezidentinin Kəlbəcərə ilk səfəri zamanı Kəlbəcərin bərpası, yenidən qurulması nəzərdə tutuldu. Kəlbəcərin füsunkar təbiətini – dağları, dərələri, meşələri seyr edən İlham Əliyev dedi : “Baxın bu dağıntılara. Ermənilər Kəlbəcəri tərk edərkən buraları dağıdıblar.”

Dağılmış binaları, su elektrik stansiyalarını görən ölkə başçısı bütün bunların erməni vəhşiliyinin növbəti təzahürü kimi qeyd etmişdir.

Azərbaycan Respublikasının Prezidenti Toğanalı – Kəlbəcər avtomobil yolu üzərində Murov dağında inşa olunacaq 11.6 km-lik tunelin təməlinin qoyulması mərasimində iştirak etdi. Ermənilər Ermənistanı Qarabağda birləşdirmək üçün Basarkeçər-Kəlbəcər yolunu çəkiblər. İlham Əliyev təkcə infrasktrukturu deyil, oradakı kəndlərin adının “erməniləşdirilməsi” məsələsinə toxunub. “Vardanes” adının “Basarkeçər” olduğunu qeyd edib və bu ərazinin Göycə mahalı, qədim Azərbaycan torpağı olduğunu qeyd edib. Bölgəyə gəlişi ilə Azərbaycan Prezidenti qədim yer adlarını bildirməklə bir daha tariximizi dərindən bildiyini nümayiş etdirdi.

Azərbaycan Prezidenti “Kəlbəcər-1” Su Elektrik stansiyasının tikiləcəyi yerlə, Kəlbəcər kiçik Su Elektrik Stansiyasında görülən işlərlə tanış oldu. Prezident “Kəlbəcər” yarımstansiyasının açılışında oldu.

Kəlbəcərin gələcək inkişafı ilə əlaqədar “İstisu” sanatoriyasında olub.

Prezident İlham Əliyevin işğaldan azad olunmuş Azərbaycan ərazilərinə hər səfəri hadisədir. Məhz Kəlbəcər rayonuna səfəri də məhz bu konteksdən yanaşsaq, həmin hadisələrin nə qədər qürurverici, xeyirli olduğunu görün.

Prezidentin səfərləri zamanı enerji ehtiyatlarına xüsusi diqqət yetirməkdə məqsədi ən qısa vaxtda işğaldan azad edilmiş ərazilər Azərbaycanın ümumi enerji sisteminə qoşulacaq.

İşğaldan azad olunmuş ərazilərimizin bərpası, yenidən qurulması ölkə rəhbərliyinin diqqət mərkəzindədir.

Doğma yurddaşlarımızın öz ata-baba yurdlarına dönüşünə hesablanıb quruculuq işləri. Bu gün işğaldan azad olunmuş ərazilərdə minalardan təmizləmə işləri, bərpa, quruculuq infrastruktur layihələri ilə yanaşı, nəqliyyat və texnologiyalar sahələri də diqqət mərkəzindədir.

Prezident İlham Əliyev 2020-ci ilin yekunlarına həsr olunmuş video-konfrans şəklində keçirilən müşavirədə dediyi kimi : “Bizim planlarımız böyükdür. Bərpa işləri artıq başlanıb. Bu onu göstərir ki, bizim sözümüzlə əməlimiz arasında bu dəfə də heç bir fərq yoxdur. Azərbaycan xalqı və bütün dünya görəcəkdir ki, bizim planlarımız həyatda gerçəkləşir. Vahid Azərbaycan Dövləti bundan sonra uğurla inamla inkişaf edəcəkdir.”

Bilgəh qəsəbəsi, 142 saylı tam orta məktəbin direktoru,

Azərbaycan Respublikasının əməkdar müəllimi Gülnaz Abdullayeva