Hər birimiz vaksinləşmə işində məsuliyyət daşıyırı

Hər birimiz vaksinləşmə işində məsuliyyət daşıyırı “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na əsasən, ilk növbədə, əhalinin və tibbi cəhətdən yüksək risk qruplarının peyvənd edilməsi nəzərdə tutulmuşdur. Artıq əhalinin digər yaş qrupları da vaksinləşməyə cəlb olunur.

Strategiyanın əsas məqsədi ölkədə geniş yayılmış COVID-19 pandemiyasının qarşısının alınmasına, virusa yoluxma və ölüm səviyyəsinin aşağı salınmasına nail olmaqdır. Vaksinin əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini azaltmaq, ölüm halının qarşısını almaq və ən əsası səhiyyənin üzərinə düşən yükü azaltmaqdır.

Hər birimiz vaksinləşmə işində məsuliyyət daşıyırıq. Biz özümüzü peyvənd etməklə bu məsuliyyəti yerinə yetirmiş oluruq. Mən də bir müəllim kimi öz məsuliyyətimi yerinə yetirmişəm, vaksin olunmuşam.

COVID-19 virusuna hər yaşda insan yoluxa bilər. Gənclər bu virusu yüngül keçirsələr də, daşıyıcı olaraq ətrafındakı ana, ata, baba və nənələrini bu həyatdan məhrum edə bilərlər. Ən azından öz doğmalarınızı fikirləşin.

Məsuliyyətsizlik etməyək, cəmiyyətin gələcəyini təhlükə altına qoymayaq!

Sabunçu qəsəbəsi, 155 nömrəli tam orta məktəbin

fizika müəllimi Pərvanə Hüseynova

Oxşar xəbərlər