“Strateji əhəmiyyəti olan Murovdağ silsiləsindəki Murov zirvəsinin azad edilməsi hər mənada, xüsusilə hərbi nöqteyi nəzərdən çox böyük əhəmiyyət kəsb edir”.
Bu sözləri Redaktor.az-a hərbi ekspert Üzeyir Cəfərov cəbhənin Goranboy istiqamətində qoşunlarımızın keçirdiyi hərbi əməliyyat nəticəsində Murovdağı silsiləsindəki Murov zirvəsi azad olunması ilə bağlı danışarkən deyib:

“3 min metr yüksəklikdə, çətin dağlıq şəraitində hərbi əməliyyatları həyata keçirmək asan iş deyil. Ordumuz bu çətin və şərəfli vəzifənin öhdəsindən çox uğurla gəldi və yaxın zamanlarda bunun davamını görəcəyik. Murovdağın işğal altında olması əvvəlki illərdə bizim üçün çox ciddi problem yaradırdı. Hesab edirəm ki, o yolun açılması bizə həm Kəlbəcər istiqamətində, həm də digər istiqamətdə irəli getməyimizə şərait yaradacaq. İndi işğal altında olan bir çox əraziyə, xüsuilə Ağdərə yoluna ordumuz nəzarət edir. Ümid edirəm ki, yaxın günlərdə biz yeni xoş xəbərlər eşidə bilərik. Əmin addımlara Qarabağa doğru gedirik”.