“Talış xalqını söyməyim, haqqımda növbəti təxribat əməlidir. Mən talış torpağının övladıyam. Həmişə mənə talış deyiblər. Bununla da fəxr etmişəm. Talış dilində təmiz danışıram. Həmişə talışlarla talış dilində danışmışam”.

Bunu "modern.az"a açıqlamasında 74 saylı Lənkəran kənd seçki dairəsindən deputatlığa namizəd Hadi Rəcəbli deyib.

H.Rəcəbli seçki öncəsi bu cür təxribatlara əl atanların məqsədinin başqa olduğunu da qeyd edib: “Dövlətimizdə azsaylı xalqlara qarşı həmişə hörmət olub. Ona görə də haqqımda iftiralar səsləndirənlərlə seçkidən sonra hüquqi dildə cavab verəcəm. Çünki onların məqsədi seçki öncəsi təxribatlar törətməkdir. Halbuki ölkəmizdə demokratik seçki ab-havası hökm sürür. Seçkilərdən sonra bu məsələyə qayıdacam”.