Aksiya faşist Nijdeyə görə keçirilib

Rusiyanın İrəvandakı səfirliyinin qarşısında etiraz aksiyası keçirilib. Buna səbəb isə Rusiyanın Armavir şəhərinin mərkəzi parkında erməni faşist Qaregin Njdeye qoyulan anım löhvəsinin qara rəngə boyanaması olub.

Ermənistan mətbuatı yazır ki, aksiyaların əsas təşkilatçısı “Sosna-Tsrer” partiyası olub. Partiyanın rəhbərliyi bir müddət öncə baş nazir Nikol Paşinyan tərəfindən təntənəli şəkildə qəbul edilmişdi.

Etiraz edənlərin plakatlarında “Rusiya işğalçıları Ermənistandan rədd olun” yazısı olub. Yerli mətbuatın yazdığına görə, nümayişçilər dəfələrlə səfirlik binasına hücum etməyə də cəhd ediblər. /istipress.com/