Son günlər KXCP-də qəribə hadisələr baş verir. JAMAZ.İNFO xəbər verir ki, hüquq müdafiəçisi Oqtay Gülalıyev bir müddət əvvəl partiyanın rəhbəri Mirmahmud Mirəlioğlunu sərt tənqid edərək, onu bacarıqsızlıqda, sədr postunu mənimsəməkdə, hakimiyyətə qarşı mübarizədə passivlik göstərməkdə ittiham etmişdi.

Artıq bir neçə gündür KXCP-də başqa bir problem baş qaldırıb. Oqtay Güləliyev bununla bağlı Facebook hesabında məlumat yayıb ki, Mirmahmud Mirəlioğlu indi də gücünü qadınlara göstərir. “KXCP- nin Ali Məclisinin dünənki sessiyasında onun gətirdiyi adamlar Ali Məclis üzvü Nisəxanım Veliyevanı təhqir ediblər, vurmaq üçün ona hücum çəkiblər (!?). Mirəlioğlu isə tərəfdarlarının cəbhəçi xanıma hücümünu məmnunluqla seyr edərək susub. Sədrə və ona hücum edənlərə sözünü deyən xanım məclisi tərk edib”.

O qeyd edib ki, Nisəxanım Vəliyevanı cəzalandırmaq üçün Mirəlioğlunun Ali Məclisin sessiyasına dəvət etdiyi adamlardan biri (hücuma rəhbərlik edən- müəl.) nəinki Ali Məclisin, heç partiyanın da üzvü deyil. “Xeyli vaxtdır ki, Mirəlioğlunu və KXCP- ni təhqir edərək təşkilatdan gedib”.

Hüquq müdafiəçisinin sözlərinə görə, Nisəxanım Vəliyeva xeyli vaxtdır Mirəlioğlunun yarıtmaz, partiyaya və xalqa zidd faliyyətini, hakimiyyətlə əməkdaşlığını kəskin tənqid edib. “Dünənki sessiyada insidentin baş verməsinin səbəbi də bu olub. Görün, Mirəlioğlu nə günə qalıb ki, onu tənqid edənlərə cavab verməyə üzü yoxdur, cəsarəti çatmır. Digər tərəfdən nə günə qalıb ki, vaxtı ilə onu təhqir edən adamla ittifaqa girib xanımların üstünə hücum çəkir”.