2020-ci ildə Gürcüstanda proporsional sistem üzrə növbədənkənar parlament seçkiləri keçiriləcək.“Sputnik Gürcüstan”a istinadən verdiyi xəbərə görə, bu barədə hakim “Gürcü arzusu-demokratik Gürcüstan” partiyasının sədri Bidzina İvanişvili açıqlayıb.
“Gürcü arzusu - demokratik Gürcüstan” geniş miqyaslı siyasi islahatlara başlayır. 2020-ci il parlament seçkiləri proporsional sistemdə keçirilməlidir”, - deyə siyasətçi bildirib.
Bununla da, hökumət iyunun 20-dən ölkədə etiraz aksiyaları keçirən müxalifətin üç tələbindən birini qəbul edib.
Qeyd edək ki, digər tələblər bunlar idi: Daxili İşlər naziri Giorgi Qaxarianın istefası və iyunun 20-də aksiyada saxlanılmış 305 nəfərin azadlığa buraxılması.
