Hər 10 rusiyalıdan 5-i hesab edir ki, ağcaqanad dişləməsi ilə QİÇS-ə yoluxmaq mümkündür. Ona görə insanlar yayda maksimum ağcaqanadlardan qorunmağa çalışır.

Medicina.az bildirir ki, insanlar arasında QİÇS-lə bağlı düzgün maariflənmə işləri aparılmadığından onlar hətta QİÇS-li xəstə ilə üz-üzə yemək yedikdə belə yoluxacağından ehtiyat edir.

Halbuki QİÇS-in ən çox yoluxduğu metod qorunmasız cinsi əlaqədir.

Hələ də insanlar prezervativsiz əlaqədən narahat deyil, ona görə hər il QİÇS-ə yoluxanların statistikası artır.

Ekspertlər bildirir ki, QİÇS hava, əşya, qida, su ilə keçmir.

Ağcaqanadların sancması və xəstə insanın qanını sağlama ötürməsi ilə yoluxmanın baş verməsi isə elmdə sübut olunmayıb. Bu barədə artıq 1990-cı illərdən təcrübələr aparıb. Belə ki, Afrikada QİÇS yayılmasının ağcaqanadlarla bağlılığı aşkarlanmadı. Orda milyonlarla ağcaqanad var, hər kəsi də hər gün sancır, amma QİÇS-ə qorunmasız intim əlaqədə olanlar yoluxub.

Xatırladaq ki, təkcə Rusiyada 1987-ci ildən bəri ilk dəfə QİÇS xəstəliyi aşkar olunandan bu yana 318.000 nəfər insan vəfat edib. Ötən il isə bu xəstəlikdən ölənlərin sayı 20.000 nəfər olub.