Nizami Rayon İcra Hakimiyyətinin başçısı Arif Qasımov rayon sakinləri ilə növbəti səyyar qəbul-görüş keçirib





32 №-li tam orta məktəbdə Nizami Rayon İcra Hakimiyyətinin başçısı Arif Qasımov 1 №-li sahə inzibati ərazi dairəsi üzrə Özbəkistan küçəsi 6, 8, Q.Qarayev prospekti 12, K.Balakişiyev küçəsi 11 ünvanlarda yaşayan sakinlərlə növbəti səyyar qəbul-görüş keçirib.

Görüşdə Rayon İcra Hakimiyyəti başçısı aparatının məsul işçiləri, 1 №-li sahə inzibati ərazi dairəsi üzrə nümayəndəliyin əməkdaşları, rayonun xidmət sahələrinin rəhbərləri və rayon sakinləri iştirak ediblər.

Səyyar qəbulda vətəndaşlar yaşadıqları binanın giriş qapılarının, pilləkən qəfəsələrinin və istilik sisteminin təmir olunması, məhəllədəki ağacların budanması və digər məsələlərlə bağlı rayon rəhbərinə müraciət ediblər.

Qəbulda rayon sakinlərinin rəy və təklifləri, müraciət və şikayətləri rayon rəhbərliyi tərəfindən dinlənilib, vətəndaşların müraciətlərində qaldırılan məsələlərin bir qismi yerindəcə həll olunub, araşdırılmasına ehtiyac olan digər məsələlərin qanunvericiliyə uyğun, operativ həlli üçün müvafiq təşkilat rəhbərlərinə tapşırıqlar verilib.



Arif Qasımov vəzifəsini vicdanla yerinə yetirən, təmsilçisi olduğu dövlətin, hakimiyyətin, xalqın və prezidentin etimadını yüksək səviyyədə doğrulda bilən məmurdur.

Mövcud inkişafın ölkə iqtisadiyyatına 60 milyard dollardan artıq zərər vuran işğal şəraitində baş verməsi həm də müxtəlif müddətdə dövlət proqramlarının vaxtında və layiqincə yerinə yetirilməsindən xəbər verir. İnkişafın Azərbaycan modelini reallaşdıran bu proqramlardan regionların, Bakı şəhəri və onun rayonlarının tərəqqisinə yönələn dövlət proqramlarını xüsusilə qeyd etmək lazımdır. Sözsüz ki, bu proqramların icra olunmasında inzibati ərazi vahidi kimi Nizami rayonunun da əməyi böyükdür.



Nizami rayonu hazırda Bakı şəhərinin inkişaf etmiş sosial-iqtisadi, biznes, təhsil, inzibati mərkəzlərə və müxtəlif təyinatlı infrastruktura malik ərazi vahidlərindən biridir.
Nizami rayonu paytaxtın ən kiçik rayonu olmasına baxmayaraq, burada əhalinin sıxlığı kifayət qədər yüksəkdir. Bunun səbəblərindən biri də burada vətəndaşların işlə təmin olunması istiqamətində RİH-in apardığı məqsədyönlü siyasətdir.



Rayonun iqtisadiyyatının formalaşmasında istehsal sahələri və xidmət sektoru mühüm rol oynayır. Hazırda burada "Bakı Yağ Qida" fabriki, dəmir-beton məmulatları istehsal edən "Azərtunelmetrotikinti" SC-nin DBK zavodu, "Körpü Tunel" ATSC, neft məhsulları istehsal edən Heydər Əliyev adına Bakı Neft Emalı Zavodu, müxtəlif növ şokolad məmulatları istehsal edən "Ulduz" şokolad fabriki, "Peyk" zavodu, "Evropean Tobakko-Baku" ASC və s. istehsal müəssisələri fəaliyyət göstərir.

Bakı şəhəri və rayonların hərtərəfli inkişaf etdirilməsi üzrə dövlət proqramlarını uğurla həyata keçirən Nizami Rayon İcra Hakimiyyətinin fəaliyyəti əsasən sosialyönlüdür.

Və jurnalist olaraq biz də əminik ki, Nizami Rİh neftin qiymətinin kəskin aşağı düşməsi və manatın məzənnəsinin ucuzlaşmasına baxmayaraq, keçən illərdə olduğu kimi, bu il də qarşıya qoyulan vəzifələrin öhdəsindən layiqincə gələcək. Bu məsul işlərlə yanaşı, Bakı şəhəri Nizami Rayon İcra Hakimiyyətinin başçısı Arif Qasımov hazırda Prezident İlham Əliyevin tapşırığı ilə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"na əsasən görüləcək işlərlə məşğuldur. Bu şərəfli vəzifənin yerinə yetirilməsində Rayon İcra hakimiyyətinə uğurlar arzulayırıq.