ABŞ prezidenti Donald Tramp Suriya lideri Bəşər Əsədi böyük hissəsi yaraqlıların nəzarəti altında olan İdlib əyalətinə “mühakiməsiz hücum” etməkdən çəkindirib.

“Report” TASS-a istinadən xəbər verir ki, bu barədə o, öz “Twitter” səhifəsində yazıb.

“Suriya prezidenti Bəşər Əsəd mühakiməsiz İdlib əyalətinə hücum edə bilməz. Ruslar və iranlılar bu potensial insani faciədə iştirak etməklə böyük humanitar səhvə yol verirlər. Yüzminlərlə insan həyatını itirə bilər. Buna yol verməyin!”, – deyə Tramp yazıb.