“Suriyada yaşayan ermənilər və aysorlar PYD/YPG/PKK terror təşkilatları sıralarında Afrindəki Türkiyə ordusuna qarşı döyüşür".
Belə iddia ilə Əsassız Erməni İddialarına qarşı Mübarizə Dərnəyinin (ASİMDER) rəhbəri Göksəl Gülbəy çıxış edib. O bildirib ki, ABŞ dəstəkli PYD/YPG/PKK terror təşkilatı işğal altındakı bölgələrdə yaşayan kürd, türkmən və ərəblərlə birlikdə erməniləri də təhdid edərək öz sıralarında döyüşdürür. Bundan başqa 1750 erməni muzdlusu Qarabağdakı 12 ədəd kampda təlim keçərək Afrinə gətirilib. Onlar Türkiyə ordusuna qarşı vuruşur.
Qeyd edək ki, Türkiyə yanvar ayının 20-də Suriyanın Afrin bölgəsində terrorçulara qarşı "Zeytun budağı" əməliyyatına başlayıb. Bu günə kimi Afrində 999 terrorçu məhv edilib.