Bu gün ABŞ maliyyə nazirliyi "Kreml siyahısı" adlı sanksiyalar siyahısını açıqlayıb."Ölkə.Az" xəbər verir ki, siyahıya Rusiya administrasiyasının üzvləri, siyasətçilər və məşhur iş adamlarının da adı əlavə edilib.
Siyahıya Roman Abramoviç, Aleksandr Abramov, İqor Altuşkinlə yanaşı azərbaycanlı Araz Ağalarov, Fərhad Əhmədov, Vahid Ələkbərov, Zaxar İliyev, Qod Nisanovun da adı əlavə edilib. "Lukoyl" şirkətinin sədri Vahid Ələkbərov məsələ ilə bağlı şərh verməkdən imtina edib.
Qeyd edək ki, siyahıya baş nazir, baş nazirin müavini, Rusiya prezidenti administrasiyasının rəhbəri, Sergey Şoyqu (müdafiə naziri), xarici işlər naziri Sergey Lavrov kimi nazir, nazir müavinləri, aparat rəhbərləri, komitə sədrlərinin adı əlavə edilib.
