Bakı Apellyasiya Məhkəməsində terrorçuluq haqda bilə-bilə yalan məlumat verməkdə təqsirləndirilən Fəqani İsmayılovun barəsində hökmdən verilən apellyasiya şikayəti üzrə məhkəmə prosesi yekunlaşıbHakim Vidadi Cəfərovun sədrliyi ilə keçirilən prosesdə qərar elan olunub. Qərara əsəsən, hökm qüvvədə saxlanılıb.
Qeyd edək ki, Saray qəsəbəsində yaşayan, İmişli rayon sakini 1977-ci il təvəllüdlü F.İsmayılov 102 xidmətinə zəng edərək metroya bomba qoyacağını deyib. O, Cinayət Məcəlləsinin 216-cı (terrorçuluq barədə bilə-bilə yalan məlumat vermə) maddəsi ilə təqsirəndirilir. Məhkəmə ifadəsi zamanı polisə zəng edərkən sərxoş olduğunu deyib.
Bakı Ağır Cinayətlər Məhkəməsinin hökmü ilə F.İsmayılov 5 il müddətə azadlıqdan məhrum edilib.(qafqazinfo)
