Xaçmazdan redaksiyamıza məktub daxil olubMüraciət müəllifi prezident İlham Əliyevə, Dövlət Təhlükəsizlik Xidmətinin rəisi Mədət Quliyevə, Daxili İşlər Naziri Ramil Usubova və Baş Prokuror Zakir Qaralova üz tutub.
Xaçmaz rayonu Çarxı kənd sakini, Qarabağ döyüşləri qazisi Hidayətov Xanlar Ənvər oğlu qeyd edib ki, uzun müddət Daxili İşlər orqanlarında çalışıb, ölkədə sabitliyin qorunmasını, cinayətkar ünsürlərə qarşı mübarizə aparılmasına ömrünün çox hissəsini həsr edib.
“Polis veteranı kimi Qarabağ döyüşləri qazisi kimi, hətta xidmətlərimə görə Daxili İşlər Naziri cənab Ramil Usubov mənə qol saatı hədiyyə edib.
Və nəhayət yeganə oğlum Tovuz Rayon Polis Şöbəsi tərəfindən qanunsuz olaraq həbs olunmuş çarəsiz Ata kimi Sizə müraciət edirəm. Mən bir Qarabağ veteranı kimi nəzərə alıb mənə köməklik edəsiniz.
Mənim yeganə oğlumu qanunsuz olaraq həbs ediblər və işgəncələrə məruz qoyaraq barəsində olan cinayət işi üzrə ibtidai istintaq qərəzli qeyri-obyektiv və kobud şəkildə qanun pozuntuları ilə aparılıb.
Tovuz Rayon Polis Şöbəsindən müstəntiq İlqar Abdullayev tərəfindən aparılıb. Tovuz Rayon Məhkəməsi tərəfindən məhkəmə qapalı şəkildə aparılıb.
Mən bununla əlaqədar aidiyyatı orqanlara çoxsaylı ərizə və şikayətlər göndərsəm də, lakin müraciətimə qanunla müəyyən edilmiş qaydada baxılmayıb”.
Ulus.Az xəbər verir ki, Qarabağ veteranı köməklik göstərilməsə, ailəsi ilə birlikdə Azərbaycan Respublikasının vətəndaşlığından imtina edəcəyini vurğulayıb.
“Mənim itirməyə heç nəyim qalmayıb oğlumdan başqa, məni bir valideyn kimi başa düşün. Mənim oğlum Hidayətov Zaur Xanlar oğlunun işinə yenidən baxılmasını və ədalətli qərar qəbul olunmasına Sizdən xahiş edirəm. (050-863-83-91; 055-773-23-91)
Rəsmi məlumatı internet resurslarından araşdırma zamanı bəlli oldu ki, Zaur Hidayətov Beyləqan rayonunun Təzəkənd kənd sakini olan Elmira Vəliyeva (ad və soyad şərti verilib) ilə 17 iyul 2014-cü ildə tanış olub.
Həmin vaxt Zaur Tovuz şəhəri, E.Quliyev küçəsində evlərdən birində kirayədə yaşayıb. O, evlənmək məqsədilə Elmiranın iyulun 18-də kirayədə yaşadığı evə gətirib.
Zaur həmin gün axşam Elmira Vəliyevaya cinsi əlaqədə olmağı təklif edib. Bu təkliflə Elmira razılaşıb. Həmin gecə Zaur Elmira Vəliyevanın razılığı ilə cinsi əlaqədə olub.
Gecə yarısını keçəndən sonra, təxminən iyulun 19-da, saat 01.00 radələrində Zaur Elmiraya qeyri-təbii yolla cinsi əlaqədə olmağı təklif edib. Elmira buna etiraz edib və müqavimət göstərib.
Elmiranın etiraz etməsini və müqavimət göstərməsini görən Zaur onun müqavimətini sındırmaq qərarına gəlib. O, bu məqsədlə Elmiranı təpiklə vuraraq döyüb.
Zaur Hidayətov Elmiraya müxtəlif dərəcəli bədən xəsarəti yetirib və müqavimətini sındırandan sonra onun hər iki əllərini rezinlə bağlayıb. O, daha sonra Elmira ilə qeyri təbii yolla cinsi əlaqədə olub.
Bundan əlavə Zaur Hidayətov 16 oktyabr 2014-cü il tarixdə, səhər saat 07.00 radələrində qeyri-rəsmi nikahda yaşadığı Tovuz rayonu Aşağı Öysüzlü kənd sakini Sima Qurbanovaya qarşı zorakılıq edib. Sima şəxsi münasibətlər zəminində Zaur Hidayətovla münasibətləri gərginləşib.
Bu səbəbdən həmin gün Sima Zaur Hidayətovu evə buraxmayıb. Buna görə də Zaur Hidayətov evin həyətində Simaya təpiklə çoxsaylı zərbələr vuraraq ona xəsarət yetirib.
Bu işlə bağlı mətbuatda geniç məhkəmə yazısı var və qadınların ifadələri də yer alıb.
Zaur isə deyib ki, onu 2015-ci ildə şərləyib həbs ediblər: “Məni MAXE olan Rafiq adlı bir nəfərin tanışı olan qadınla şantaj edib, başıma corab hördülər. Məhz bu qadının əliylə məni şərlədilər ki, guya bu qadını zorlamışam.
Ancaq bir olan Allaha, namusuma and içirəm, qətiyyən o qadınla aramda heç nə olmayıb. Zatən olsaydı, mənimlə düşmən kimi davranan müstəntiq İlqar Abdullayev çoxdan bizi ekspertizadan keçirib, müvafiq arayişlar alardı.
Çünki mən və atam dayanmadan şərləndiyim haqda şikayət edirdik. Nəhayət, qondarma proses keçirib, mənə 4 il iş verdilər. Hazırda 1/3-dəyəm”.
