Yeni funksiya iki həftə sonra işə düşəcəkMobil qurğu və kompüterlərin təhlükəsizliyi yalnız istifadəçilər üçün deyil, həm də tərtibatçılar üçün baş ağrısıdır.
İctnews.az xəbər verir ki, “Google” şirkəti yeni bildiriş sistemi tətbiq edərək qurğu sahiblərinin hesablarını qorumaq üçün yeni cəhd göstərir.
Bundan əvvəl tərtibatçılar istifadəçilərə hesabda şübhəli aktivlik haqda xəbərdarlığı elektron poçt vasitəsilə göndərirdilər, ancaq belə yanaşma mükəmməllikdən uzaqdır. Hesaba müdaxilə etmiş haker asanlıqla “Gmail” poçt sisteminə də giriş edə bilər.
Yeni sistemin əsas özəlliyi ondan ibarətdir ki, istifadəçi öz hesabında baş verənlər haqda real vaxt rejimində xəbərdar olur. Kimsə başqa qurğu və ya başqa brauzerdən hesaba daxil olan kimi yeni bildiriş sistemi işə düşəcək.
Tərtibatçılar tərəfindən keçirilmiş araşdırmaya əsasən, istifadəçilər “Push” xəbərdarlıqlara 4 dəfə daha çox diqqət yetirir. “Google” şirkəti, həmçinin xatırladır ki, “Android” sistemi ilə işləyən qurğuların sahibləri “Recent Account Activity” funksiyası hesablarından xəbərsiz istifadə edilməsini öyrənə biləcək. Sözügedən funksiya qarşıdakı iki həftə ərzində əlçatan olacaq.
