Bakıda jurnalistin evini yardılar

Bakıda jurnalistin evini yardılar 8 min manat dəyərində qızıl-zinət əşyaları oğurlanıb

APA-nın əməkdaşı Mübariz Aslanovun yaşadı ev qarət olunub.

Bu barədə APA-ya jurnalistin özü məlumat verib.

Onun sözlərinə görə, mayın 17-də jurnalistin kirayədə yaşadığı, Nəsimi rayonu, Asif Məhərrəmov küçəsi ev 24, mənzil 11-ə açar seçmə yolu ilə daxil olan şəxs və ya şəxslər 540 manat və təxminən 8 min manat dəyərində qızıl-zinət əşyaları oğurlayıblar.

Hadisə baş verən vaxt evdə heç kim olmayıb.

Hadisə barədə Daxili İşlər Nazirliyinin “102” xidmətinə məlumat verilib. Daxil olan məlumat əsasında Nəsimi Rayon Polis İdarəsinin 19-cu Polis Bölməsinin əməkdaşları hadisə yerinə baxış keçirib, iş üçün əhəmiyyət kəsb edən məlumatlar toplayıblar.

Nəsimi rayon Polis İdarəsinin 19-cu Polis Bölməsindən bildirilib ki, hazırda polis daxil olan şikayət əsasında araşdırma aparır. Hadisəni törədən şəxs və ya şəxslərin müəyyən edilərək tutulması istiqamətində əməliyyat-axtarış tədbirləri davam etdirilir.

Oxşar xəbərlər