Yevlax şəhərinin Heydər Əliyev prospektində geniş abadlıq və yenidənqurma işləri həyata keçirilməyə başlayıb

Azərbaycan Respublikasının Prezidenti, Müzəffər Ali Baş Komandan cənab İlham Əliyevin həyata keçirdiyi sürətli və davamlı inkişaf strategiyası sosial problemlərin həllində özünü aydın surətdə göstərir. Həyata keçirilən uğurlu, məqsədyönlü siyasət nəticəsində Respublikamızın bütün bölgələrində olduğu kimi Yevlaxda da quruculuq, abadlıq işləri sürətlə davam etdirilir, şəhərin prospektləri və küçələri memarlıq tələblərinə uyğun olaraq yenidən qurulur. Son dövrlərdə aparılan tikinti-quruculuq işləri, həyata keçirilən infrastruktur layihələri şəhərə tamamilə yeni, müasir görkəm verir. Yevlax şəhər İcra Hakimiyyəti tərəfindən şəhərin bir çox küçə, prospekt və məhəllədaxili yollarında təmir-bərpa işləri aparılır və yeni asfalt örtüyü salınır.
Heydər Əliyev prospektində geniş abadlıq quruculuq işləri artıq başlayıb. Belə ki, prospektin sözügedən hissəsində intensiv hərəkət nəticəsində tamet daşlarından ibarət örtüyünün üst qatında aşınmalar meydana gəlmişdir. Buna görə də aşınma qatının yenilənməsinə ehtiyac yaranıb. Hazırda istismara tam yararsız olan tamet daşları yol örtüyündən götürülür, prospekt yeni asfaltın salınması üçün hazırlanır.
Prospektdə işlər kommunikasiya xətlərinin çəkilişini həyata keçirən qurumlarla birgə aparılır. Sonuncu mərhələdə yol kənarlarına yeni yağış barmaqlıqları yerləşdiriləcək, hərəkətin normal təşkili üçün yol nişanları və məlumatverici lövhələr quraşdırılacaqdır.
Bunlarla yanaşı şəhərdə digər küçələrin abadlaşdırılması və yenidənqurulması işlərinin keyfiyyətlə həyata keçirilməsi daim nəzarətdə saxlanılmaqla davam etdirilir.
Şəhər İcra Hakimiyyətinin başçısı Anar Tağıyev görülən işlərlə tanış olub, aidiyyəti üzrə əlaqədar şəxslərə tapşırıq və tövsiyələrini verib.
Yevlax şəhərində həyata keçirilən quruculuq işləri sakinlərin razılığına səbəb olur. Sakinlər aparılan abadlıq-quruculuq işlərinə, onlara göstərilən diqqət və qayğıya görə Azərbaycan Respublikasının Prezidenti, Müzəffər Ali Baş Komandan cənab İlham Əliyevə və Birinci vitse-prezident hörmətli Mehriban xanım Əliyevaya öz minnətdarlıqlarını bildirirlər.

Yevlaxda 23 Avqust xüsusi dövlət mühafizə sahəsində çalışan əməkdaşların peşə bayramı günü münasibəti ilə tədbir keçirilmişdir

Tədbirində Yevlax şəhər İcra Hakimiyyəti başçısının birinci müavini Xaliq Əliyev, Strateji Obyektlərin Mühafizəsi Dövlət Agentliyinin Yevlax regional idarəsinin rəis əvəzi polkovnik leytenant Tofiq Hüseynov, idarənin əməkdaşları iştirak etmişlər.
Tədbir iştirakçıları əvvəlcə Yevlax şəhərinin mərkəzində yerləşən Ulu Öndər Heydər Əliyevin abidəsi önünə gül dəstələri qoyaraq, dahi Şəxsiyyətin ruhuna öz ehtramlarını bildirmişlər. Daha sonra tədbir idarənin inzibati binasında davam etdirilmişdir.
Tədbiri giriş nitqi ilə açan regional İdarəsinin rəis əvəzi polkovnik leytenant Tofiq Hüseynov onlara hər zaman göstərilən diqqət və qayğıya görə Ölkə rəhbəri, Müzəffər Ali Baş Komandan cənab İlham Əliyevə öz minnətdarlıqlarını bildirdi. Xidmətin yaranma tarixi haqqında qısa məlumat verdi. Hər zaman dövlətçiliyimizin qorunmasında, dövlətə, xalqa, Prezidentə sadiq, layiqli və qüsursuz xidmət edəcəklərini bildirmişdir.
Tədbirdə çıxış edən Yevlax şəhər İcra Hakimiyyəti başçısının birinci müavini Xaliq Əliyev əməkdaşları təbrik edib, onlara fəaliyyətlərində uğurlar arzulamışdır.
Daha sonra peşə bayramları münasibətilə idarənin xidmətdə fərqlənən bir qrup əməkdaşları Yevlax şəhər İcra Hakimiyyətinin Fəxri Fərmanları ilə təltif edilmişlər.

Şəhər İcra Hakimiyyətində vətəndaşların növbəti qəbulu keçirildi

Yevlax şəhər İcra Hakimiyyətinin başçısı Anar Tağıyev Şəhər İcra Hakimiyyətində növbəti vətəndaş qəbulu keçirdi.
Qəbulda Şəhid ailələri və qazilər növbədənkənar qəbul edilib, onların problemlərinə həssaslıqla yanaşılıb.
Qəbula gələn vətəndaşlar əsasən işlə təmin olunma, maddi yardım, ev təmirinə köməklik, torpaq mübahisəsi, sosial yardım, qaz çəkilişi və digər məsələlərlə bağlı müraciət ediblər. Onların müraciətləri Şəhər rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
Qəbulda vətəndaşlar ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezidentimiz, Müzəffər Ali Baş Komandan cənab İlham Əliyevə və Birinci vitse-prezident hörmətli Mehriban xanım Əliyevaya öz minnətdarlıqlarını bildiriblər.