Snouden ABŞ-a qayıtmaq üçün şərtlərini açıqlayıb

Snouden ABŞ-a qayıtmaq üçün şərtlərini açıqlayıb Rusiyada sığınacaq almış ABŞ Milli Təhlükəsizlik Agentliyinin (MTA) keçmiş əməkdaşı Edvard Snouden yalnız işinə obyektiv baxılacağına inamı yaranacağı təqdirdə, ABŞ-a qayıda bilər.

“Report” TASS-a istinadən xəbər verir ki, o, bu sözləri cümə axşamı ABŞ Milli İctimai Radiosunun müxbirlərinə verdiyi müsahibədə söyləyib.

ABŞ hökumətinin casusluq haqqında qanunlarını pozmaqda günahlandırdığı Snouden qeyd edib ki, ABŞ münsiflər məhkəməsi onun jurnalistlərə verdiyi məxfi məlumatlarla tanış olmalıdır.

“Münsiflər heyəti, bu məlumatları ictimaiyyətə açıqlamağın düzgün addım olub olmadığını qiymətləndirə bilmədiyi təqdirdə, məlumatların açıqlanması ilə bağlı ədalətli proses ola bilməz”, – deyə o bildirib.

Oxşar xəbərlər