Oğlu İsrafil Abdullayevin qəfil ölümündən sonra uzun müddətdir efirlərə çıxmayan Əməkdar artist Zöhrə Abdullayevanın yeni fotoları yayılıb.

Sənətçinin fotolarını stilist Samiraldo Instagram hesabında izləyiciləri ilə paylaşıb.

Stilist, 8 Mart Beynəlxalq Qadınlar günü münasibətilə Z.Abdullayevanı təbrik etmək üçün onun evinə yollanıb.

Zöhrə xanımın tanınmaz vəziyyətdə olması izləyiciləri təəcübləndirib. Əməkdar artist xeyli çəki atıb, saçları isə ağarıb.

Qeyd edək ki, Z.Abdullayevanın oğlu beyin xərçəngindən əziyyət çəkirdi. İsrafil ötən il 46 yaşında dünyasını dəyişib. Həmin gündən etibarən Zöhrə Abdullayeva efirlərə çıxmayacağını dilə gətirib. (oxu.az)