Ermənistanın sabiq deputat-generalı Manvel Qriqoryanın azadlığa buraxılması etirazlara səbəb olub.

“Qafqazinfo” erməni KİV-nə istinadən xəbər verir ki, vətəndaşlar Eçmiədzin şəhərində etiraz aksiyası təşkil ediblər. Etirazçılar mərkəzi yolları bağlayıblar. Onlar Qriqoryanın yenidən həbsini tələb edirlər.

Xatırladaq ki, sabiq general qanunsuz olaraq silah-sursat saxlamaqda, əmlakın mənimsənilməsində ittham edilərək həbs edilmişdi. Lakin dekabrın 21-i məhkəmə Qriqoryanı 25 milyon dram (təxminən 86 min manat) müqabilində azadlığa buraxıb.